Fyrri mynd
Nćsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Miðvikudagur, 22. september 2021
   m/s
C
Olís
huni.is - RSS-efnisveita
 
September 2021
SMÞMFL
2930311234
567891011
12131415161718
19202122232425
262728293012
FyrriNúnaNæsti
Veðurstofa Íslands Vegagerðin
Holtavörðuh. 05:40 SSA 2 -1°C
Laxárdalsh. 05:40 A 4 -1°C
Vatnsskarð 05:40 SSA 4 -3°C
Þverárfjall 05:40 V 1 -2°C
Kjalarnes 05:40 ANA 4 4°C
Hafnarfjall 05:40 SSA 4 4°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
17. ágúst 2021
Baráttan heldur áfram
Ný bylgja kórónuveirufalaldurs hér á landi er áminning um að baráttan við veiruna er hvergi nærri lokið. Bylgjan sem nú ríður yfir er sú stærsta og hafa flesta daga greinst yfir 100 smit á dag.
::Lesa

SSNV

Leita í netfangaskrá
 
Eftir Bjarna Jónsson
21. september 2021
Eftir Sigurbjörn Þorkelsson
20. september 2021
Frá Sillu og Hlyn
15. september 2021
10. þáttur. Eftir Jón Torfason
12. september 2021
Eftir Inga Heiðmar Jónsson
12. september 2021
Eftir Lilju Rafneyju Magnúsdóttur
09. september 2021
Eftir Inga Heiðmar Jónsson
05. september 2021
Eftir Lilju Rafneyju Magnúsdóttur
01. september 2021
N 65° 39' 32.04" V 20° 16' 55.2"
Pistlar | 05. september 2021 - kl. 11:01
Sögukorn: Út við Tindastól
Eftir Inga Heiðmar Jónsson

Norður á Krók flýgur hugur þegar bókin Sölva Sveins um Eyþór organista kemur upp í hendurnar, nýútkomin, ríkulega myndskreytt og efnið vel fram sett. Dagbækur organistans, dagblöð, bréf, fundargerðir og ekki síst sýn sögumannsins, sem ólst upp á Sauðárkróki, í þessu gróandi söng- og menningarsamfélagi þar sem tónskáldið og kennarinn Eyþór Stefánsson hafði slegið taktinn listmenningunni stóran hluta aldarinnar. Sölvi segir okkur söguna í fyrstu persónu og því kann ég vel.

Eyþór fæddist 1901. Hann fæddist þar undir Nöfunum, missti föður sinn tvítugur og þá flutti móðir hans til Akureyrar, til Stefáns elsta sonar síns, en Eyþór bjó eftir ásamt systur sinni og syni hennar, Svavari Guðmundssyni, „glaðsinna söngmanni“ segir Sölvi sögumaður og bókarhöfundur.

Tvö sumur var drengurinn Eyþór í sveit hjá Benedikt á Fjalli, en fimmtán ára gamall fór hann fyrst að stunda Drangey, var við fiskveiðar í fjörunni, fuglaveiði á flekum og síðar við sig.

„Um tvítugsaldur var Eyþór byrjaður að æfa smákóra á ungmennafélagsins Tindastóls“ og hann stjórnaði þá blönduðum kór stúkumanna.

Eyþór hóf störf hjá KG 1924 og starfað hjá honum í nær 20 ár „og þar var hann löngum stundum. Tónlist var í hávegum höfð á heimilinu. KG var einn af fyrstu organistunum á Króknum og Þórunn dóttir hans og Bjargar var músikölsk og lét á píanó sem var á heimilinu; Eyþór hefur áreiðanlega tekið þar lagið með Stebba söng sem oft kom á Krókinn þau misserin.“

KG, Kristján kaupmaður á Króknum var móðurbróðir söngstjóranna fyrstu hjá Karlakór Bólstaðarhlíðarhrepps, Gísla og Þorsteins Jónssonar, var uppalinn í fjölmennum systkinahópi vestur á Eyvindarstöðum, músikalskur og mikill áhugamaður um tónlist og þeir Eyþór frændur nutu góðs af.

Ellefu ára var Eyþór þegar Gísli Magnússon organisti sótti hann til að syngja alt í kirkjukórnum, á jólaföstu 1912, Pétur Sigurðsson tónskáld var organisti við Sauðárkrókskirkju 1923-1929 en þá tók Eyþór við starfinu og starfaði til 1972.

Heilmikið stórvirki er þessi bók Sölva Sveinssonar, kemur víða við eins og starf Eyþórs organista á Sauðárkróki, en við sem stunduðum Skálholtsnámskeið Hauks á síðasta fjórðungi aldarinnar, urðum vinir og aðdáendur Guðrúnar Eyþórsdóttir organista á Ísafirði, en átti þá eftir að flytja heim á Krókinn og halda áfram starfi föður síns á kirkjuloftinu. En hún lést á 48 æviári sínu svo aldraður faðir hennar átti eftir að lifa hana í tólf ár.

Skemmtilegir eru kaflar Sölva bókarhöfundar um forsetakosningarnar, Kristjáns og Vigdísar, þar sem hann rifjar upp dagbókafærslur Eyþórs.  

Ég eignaðist einmitt eftirminnilega daga og heyrði ýmsar kosningasögur af Króksbúum vorið hennar Vigdísar, árið 1980 þegar við Guðmundur Bergsstaðaskáld Halldórsson vorum allt í einu komnir í bandalagi með Guðrúnu Láru á Mælifelli eftir fund með Vigdísi forseta fram í Árgarði og afráðið var þar og þá að opna skrifstofu út á Krók og skyldi ég gæta skrifstofu og símans og  talaði svo auðvitað máli frambjóðandans allan daginn en hafði fæði og húsnæði hjá þeim góðu hjónum, Önnu og Munda upp við Skógargötu. Ekki man ég þó alla sem þarna komu, en minnisstæður var Sveinn Sölvason, faðir höfundar þessarar góðu Eyþórsbókar, hressilegur maður, kominn á efri ár, fróður og einarður og birtist þar flesta daga og lagði gott til mála. Alla Rögg og Magga, góðum og hjálpfúsum nágrönnum Eyþórs kynntist ég á þessu kosningavori.

Já, það var margur kaffisopinn drukkinn þarna við umferðaniðinn á Skagfirðingabrautinni – í skjóli Huldu Björnsdóttur og Lúðvíks Hjálmarsson sem leigðu okkur neðri hæðina undir kosningaskrifstofuna.

En gleymum ekki tónskáldinu Eyþóri vegna sigurgöngu Vigdísar vorið 1980, en nær bókarlokum er kaflinn Í annarra augum, þar sem Björn oddviti á Sveinsstöðum fær fyrstur orðið, síðan Snorri Björn bæjarstjóri, listamaðurinn Jón Ormar og síðast Hannes skáld Pétursson sem segir: „Eyþór er gæddur alúð og drenglyndi, eðliskostum sem afla hverjum manni vinsælda og trausts. Veit ég ekki til að nokkur hafi reynt Eyþór Stefánsson að öðru en góðu einu.“

Bókarhöfundurinn spyr sig: „Hvar kynntist Eyþór töfrum tónlistarinnar? Ég held það sé ekki orpið nokkrum vafa að tónlist var mjög gildur þáttur í uppeldi hans og uppvexti; tónlistargáfa og -iðkun hafa löngum verið kynfylgjur afkomenda Borgar-Bjarna og Guðrúnar Þorsteinsdóttur og nægir að nefna auk Eyþórs Stefán Íslandi, Pétur Sigurðsson tónskáld frá Geirmundarstöðum og Svavar Guðmundsson . . . Una Jónasdóttir, móðursystir Eyþórs, bjó í Brennigerði og söng oft á síðkvöldum í veðurblíðunni úti á hlaði svo heyrðist um alla Borgarsveit, sagði Eyþór í viðtali 1970.“

Ingi Heiðmar Jónsson

Höf. rzg
 
Prenta Prenta  
 
Til baka
 
Húsfrúin
04. febrúar 2020
Róbinson Krúsó meðferðin
Við getum flest verið sammála um að jákvæð hugsun sé forsenda þess að samþykkja það að jákvæðni auki líkurnar á skilningi og að skilningur sé ein helsta breytan í góðum mannlegum samskiptum.
::Lesa
Spaugið
23. júní 2021
Íslenski karlmaðurinn hefur fimm gangtegundir
Íslenski karlmaðurinn hefur fimm gangtegundir.... Hann er með: Frekjugang, aulagang, ...
::Lesa

©2021 Húnahornið