Fyrri mynd
Nćsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Miðvikudagur, 18. maí 2022
   m/s
C
Olís
huni.is - RSS-efnisveita
 
Maí 2022
SMÞMFL
1234567
891011121314
15161718192021
22232425262728
2930311234
FyrriNúnaNæsti
Veðurstofa Íslands Vegagerðin
Holtavörðuh. 00:40 NNV 2 5°C
Laxárdalsh. 00:40 A 4 3°C
Vatnsskarð 00:40 VSV 2 8°C
Þverárfjall 00:40 SSA 3 9°C
Kjalarnes 00:40 A 11 11°C
Hafnarfjall 00:40 V 3 13°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
03. apríl 2022
Vorið kemur
"Vorið er komið og grundirnar gróa," segir í texta Jóns Thoroddsen sem fjallar um vorið. Vorið er svo sem ekki alveg komið hér um slóðir en eitt er víst að það kemur. Í maí verður kosið til sveitarstjórna í öllum sveitarfélögum landsins, þar á meðal í sameinuðu sveitarfélagi Blönduósbæjar og Húnavatnshrepps.
::Lesa

SSNV

Leita í netfangaskrá
 
24. þáttur. Eftir Jón Torfason
15. maí 2022
Eftir Zophonías Ara Lárusson sem skipar 3.sæti lista sjálfstæðismanna og óháðra.
13. maí 2022
Eftir Guðmund Arnar Sigurjónsson
13. maí 2022
Eftir Elínu Aradóttur
13. maí 2022
Eftir Eyjólf Ármannsson
13. maí 2022
Eftir Halldór Skagfjörð Jónsson
13. maí 2022
N 65° 39' 32.04" V 20° 16' 55.2"
Pistlar | 12. maí 2022 - kl. 22:00
Verum upplýst - leikur að tölum
Eftir Ragnhildi Haraldsdóttur

Kæru kjósendur

Við, frambjóðendur Sjálfstæðisflokks og óháðra, biðjum ykkur, kæru kjósendur um ykkar umboð til að halda áfram þeirri vinnu sem framundan er, sem varðar sameiningu sveitarfélaganna tveggja Blönduósbæjar og Húnavatnshrepps. Í okkar röðum eru fjórir af þeim sex aðilum sem voru í sameiningarnefnd/samstarfsnefnd sveitarfélaganna. Flokkurinn samanstendur af breiðum hópi karla og kvenna úr dreifbýli sem og úr þéttbýli, fólki með fjölbreytta menntun og kemur alls staðar að úr atvinnulífinu.

Það má hafa það í huga að þó svo að búið sé að stíga fyrsta skrefið, samþykkja sameininguna, þá er stóra verkefnið eftir og í raun vinnan rétt að hefjast. Nóg er af verkefnum framundan, verkefni sem bæði eru stór og svo önnur sem eru smærri í sniðum. Eitt stærsta verkefnið er að sameina fólkið í sveitarfélögunum með ráðum og dáðum. Við, Sjálfstæðismenn og óháðir, teljum það vera skyldu okkur að íbúar njóti þess rekstrarhagræðis sem sameining felur í sér, m.a. með lækkun leikskólagjalda. Rekstur sveitarfélaganna tveggja er viðkvæmur en sterkari sem ein heild.  Innviðauppbygging er nauðsynleg því án þeirra er tapað spil að reyna að fjölga störfum og bæta búsetuskilyrði. Án innviða, sem kosta fjármuni, stenst sveitarfélagið ekki samanburð við önnur. Að fjárfesta ekki í innviðum og boða einungis aðhald tefur framfarir, og þegar á botnin er hvolft þá er það dýrara fyrir samfélagið sem jafnvel verður ekki að metið til fjár.

Við Sjálfstæðismenn og óháðir teljum að ábyrg fjármálastjórn einkennist af útdeilingu fjármuna á ábyrgan máta með góðu jafnvægi útgjalda og aðhalds. Gott samstarf og góður samhljómur hefur verið meðal kjörinna fulltrúa í sveitarstjórn Blönduósbæjar, meðal allra flokka, líka þeirra sem bjóða fram til sveitarstjórnar í öðrum framboðum. Sú uppbygging og þær framkvæmdir sem farið hefur verið í hjá sveitarfélaginu Blönduósbæ hefur átt sér stað með vitund og vilja allra sveitarstjórnarmanna.

Því er lýst í aðsendum pistli að núverandi stjórnendur sveitarstjórna vilji halda áfram um stjórnartaumana. Ég lít hins vegar svo á að sveitarstjórnarfulltrúar fái umboð frá íbúum. Því að starf sveitarstjórnarmanns snýst ekki um að vera við stjórnvölinn eða hafa stjórnartaumana. Starfið snýst um að veita fólki lögbundna þjónustu, sýna starfinu auðmýkt og vinna hlutina í samstarfi við fólkið í sveitarfélaginu og aðra sveitarstjórnarmenn. Þá tel ég einnig mikinn akkur í því fyrir komandi sveitarstjórn að hafa úr að skipa reynslumiklu fólki í sveitarstjórnarmálum. Efstu menn, Sjálfstæðismanna og óháðra, búa allir yfir áralangri reynslu af sveitarstjórnarmálum.

Í umræddum pistli var einnig ýjað að því að sveitarstjórnarfólk á Blönduósi og í Húnavatnshreppi kæmi í veg fyrir upplýsta ákvörðun fólks á kjördag með vísan í afgreiðslu ársreikninga sveitarfélaganna, og meðal annars vísað í 61.gr. sveitarstjórnarlaga nr. 138/2011. Því skal haldið til haga að svo er ekki. Sveitarstjórnir hafa, skv. bráðabirgðaúrræði sömu laga heimild til að afgreiða ársreikning eigi síðar en 15. júní. Ársreikningur Húnavatnshrepps fyrir árið 2020 var til að mynda afgreiddur 3. júní 2021. Stefnt er að því að afgreiða ársreikning Húnavatnshrepps eigi síðar en 29. maí n.k.

Mikilvægt er að kjósendur geti tekið upplýsta ákvörðun byggða á staðreyndum. Farið var ofan í kjölinn á fjármálum sveitarfélaganna beggja samhliða sameiningarviðræðum, og líkt og fram hefur komið var bent á að rekstur beggja sveitarfélaga sé viðkvæmur. Því hefur verið haldið fram að skuldaaukning umfram eignamyndun sé,,veruleg” hjá Blönduósbæ fyrir árið 2021, án þess þó að nefna tölur í því sambandi eða útskýra það frekar. Ef horft er framhjá gríðalegum hækkunum lífeyrisskuldbindinga sem er sá þáttur í rekstri sveitarfélaga sem engin sveitarstjórn eða stjórnendur sveitarfélaga hafa stjórn á, þá er eignamyndun Blönduósbæjar 30 milljónir króna umfram skuldir. Hækkun lífeyrisskuldbindinga skýrist af spá Hagstofu Íslands um m.a. hækkandi lífaldur fólks. 

Allt er þetta leikur að tölum og hægt að setja fram á þann hátt sem fólki sýnist. Verum upplýst og kynnum okkur hvað er á bak við tölurnar. Kosningaskrifstofan er opin fram að kosningum, við erum til viðtals og þiggjum gjarnan spjall við kjósendur.

Ragnhildur Haraldsdóttir, skipar 2. sæti á lista Sjálfstæðismanna og óháðra.

Setjum X við D á kjördag.

Höf. rzg
 
Prenta Prenta  
 
Til baka
 

©2022 Húnahornið