Fyrri mynd
Nćsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Miðvikudagur, 18. maí 2022
   m/s
C
Olís
huni.is - RSS-efnisveita
 
Maí 2022
SMÞMFL
1234567
891011121314
15161718192021
22232425262728
2930311234
FyrriNúnaNæsti
Veðurstofa Íslands Vegagerðin
Holtavörðuh. 23:30 NNV 4 2°C
Laxárdalsh. 23:30 A 4 4°C
Vatnsskarð 23:30 SA 3 10°C
Þverárfjall 23:30 A 1 7°C
Kjalarnes 23:30 ANA 12 11°C
Hafnarfjall 23:30 N 3 11°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
03. apríl 2022
Vorið kemur
"Vorið er komið og grundirnar gróa," segir í texta Jóns Thoroddsen sem fjallar um vorið. Vorið er svo sem ekki alveg komið hér um slóðir en eitt er víst að það kemur. Í maí verður kosið til sveitarstjórna í öllum sveitarfélögum landsins, þar á meðal í sameinuðu sveitarfélagi Blönduósbæjar og Húnavatnshrepps.
::Lesa

SSNV

Leita í netfangaskrá
 
24. þáttur. Eftir Jón Torfason
15. maí 2022
Eftir Zophonías Ara Lárusson sem skipar 3.sæti lista sjálfstæðismanna og óháðra.
13. maí 2022
Eftir Guðmund Arnar Sigurjónsson
13. maí 2022
Eftir Elínu Aradóttur
13. maí 2022
Eftir Eyjólf Ármannsson
13. maí 2022
Eftir Halldór Skagfjörð Jónsson
13. maí 2022
N 65° 39' 32.04" V 20° 16' 55.2"
Pistlar | 13. maí 2022 - kl. 11:01
Nokkur orð um auðmýkt og upplýsingar
Eftir Elínu Aradóttur

Framsókn og aðrir framfarasinnar hafa mótað skýra stefnu, sem kynnt hefur verið nú í aðdraganda sveitarstjórnarkosninga. Meðal þess sem við viljum leggja áherslu á er ábyrg fjármálsstjórnun, öflug upplýsingamiðlun og virkt íbúalýðræði. Við höfum í stefnuskrá okkar boðað margvíslegar aðgerðir til uppbyggingar og framfara í nýju sveitarfélagi. Við viljum jafnframt greina vandlega fjárhagsupplýsingar, bæði frá Húnavatnshreppi og Blönduósbæ svo hægt verði að setja upp raunhæfar áætlanir um uppbyggingu í nýja sveitarfélaginu okkar.

Í gærkvöldi birtist grein hér á Húnahorninu, eftir varaoddvita Húnavatnshrepps, sem við teljum að beinist að okkar málflutningi á sama miðli. Yfirskrift þessarar greinar er „Verum upplýst - leikur að tölum“. Við sem að X-B framboðinu stöndum viljum koma eftirfarandi á framfæri í þessu samhengi:

  • Við höfum ekki birt neinar tölur og ekki leikið okkur með þær heldur, enda slíkt ekki eðlilegt þegar lesendur Húnahornsins hafa ekki aðgang að grunnupplýsingum sér til glöggvunar. Raunar er það umhugsunarvert ef frambjóðendur D-listans telja að tölur í ársreikningum opinberra stofnana séu þess eðlis að hægt sé að leika sér með þær. Í slíku viðhorfi birtist ekki mikil auðmýkt fyrir því vandasama verkefni sem sveitarstjórnarmál eru.
  • Við viljum ítreka að við teljum það bera vott um óvönduð vinnubrögð að birta ekki kjósendum í nýju sveitarfélagi niðurstöðutölur fjárhags og rekstrar Blönduósbæjar og Húnavatnshrepps nú í aðdraganda kosninga. Úttekt á fjármálum sveitarfélaganna sem unnin var til undirbúnings sameiningarinnar byggir á gögnum sem eru yfir 16 mánaða gömul.
  • Á miðvikudaginn 11. maí áttum við þess kost að sitja sveitarstjórnarfund hjá Blönduósbæ og  og hlýða á fyrstu umræðu um ársreikninga Blönduósbæjar fyrir árið 2021. Í ljósi þess að þær tölur, sem fram komu á fundinum, hafa ekki  verið endanlega staðfestar hvorki hjá sveitarstjórn, né endurskoðenda, þá  fannst okkur ekki eðlilegt að birta í okkar greinaskrifum einstaka liði ársreikningsins. Enda það ekki í okkar verkahring. Í okkar greinarskrifunum var því eingöngu farið yfir „stóra samhengið“, þ.e. þær staðreyndir að árinu 2021 var umtalsvert tap á rekstri og að eignamyndun var minni en skuldaaukning. Ef umfjöllun okkar knýr frambjóðendur D-listans til að miðla frekari upplýsingum um einstaka liði reikningsins, eða setja fram skýringar á taprekstri, þá er það vel.
  • Þegar kemur að umræðu um upplýsingamiðlun og reglur um skil ársreikninga, þá velja mótframbjóðendur okkar að vísa í bráðabirgðaákvæði laga, sem fjalla um hvenær  stjórnendum sveitarfélaga sé í síðasta lagi skylt að skila ársreikningum og tengdum upplýsingum til íbúanna. Eftir situr þó að kosningarnar eru á morgun og það hefði verið sanngjarnt að íbúar/kjósendur fengu tækifæri til að kynna sé viðeigandi gögn.

Aðhald er gott og gilt hugtak, sérílagi ef lagt er af stað með hálftóma vasa og takmarkaðar upplýsingar. Þó höfum við frambjóðendur B-listans ekki valið að setja þetta hugtak inn í stefnuskrá okkar, þó mögulega hafi verið tilefni til. Í ljósi fjárhagsstöðu Blönduósbæjar og andblæs umræðunnar undanfarna daga höfum við enn frekar styrkst í þeirri trú að það væri nýju sveitarfélagi til heilla að fá nýtt fólk til forystu.

Tryggjum framsókn og framfarir !

Setjum X við B þann 14. maí nk.

Elín Aradóttir

Skipar 2. sæti á lista Framsóknar og annarra framfarasinna

Höf. rzg
 
Prenta Prenta  
 
Til baka
 

©2022 Húnahornið