Fyrri mynd
Nćsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Húnahornið
Open Menu Close Menu
Húnahornið
Sunnudagur, 3. desember 2023
   m/s
C
Ókeypt
huni.is - RSS-efnisveita
 
Desember 2023
SMÞMFL
262728293012
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 00:30 N 4 -9°C
Laxárdalsh. 00:30 A 6 -7°C
Vatnsskarð 00:30 A 2 -5°C
Þverárfjall 00:30 NA 7 -4°C
Kjalarnes 00:47 0 0°C
Hafnarfjall 00:30 SSA 2 -5°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
Eftir Inga Heiðmar Jónsson
29. nóvember 2023
Eftir Inga Heiðmar Jónsson
27. nóvember 2023
Eftir Inga Heiðmar Jónsson
21. nóvember 2023
62. þáttur. Eftir Jón Torfason
18. nóvember 2023
Ingi Heiðmar Jónsson
11. nóvember 2023
Eftir Sigurbjörn Þorkelsson
08. nóvember 2023
Eftir Bjarna Jónsson
06. nóvember 2023
61. þáttur. Eftir Jón Torfason
04. nóvember 2023
N 65° 39' 32.04" V 20° 16' 55.2"
Pistlar | 26. janúar 2023 - kl. 09:23
Sögukorn um dýrmætið mesta, mold
Eftir Inga Heiðmar Jónsson
  1. Meistari minnisblaðanna var Leonardo da Vinci. Hann bar alltaf kompu sér við mittisól og rissaði og skissaði hugmyndir og athugasemdir hvert sem hann fór. SJH 34
     
  2. Árið 1971 var nóg af mat í heiminum – og er enn.
    F. M. Lappé, þá ung kona, nýskriðin úr háskólanum Berkerley og allir fjölmiðlar voru fullir af fréttum um matarskort og hungur, hún fór á bókasafnið þar sem duglegur bókasafnsfræðingur veitti hjálp og tók til við að raða saman og tengja og reiknaði upp í topp. Þetta var áður en tölvur fóru að hjálpa til við slíkt. .. Þessi unga kona varð fyrst til að birta niðurstöður með óyggjandi útreikningum og samantektum: 
    Það er til nógur matur SJH 159

     
  3. Kerfið var bilað og er enn bilað 50 árum síðar. Mannskepnur framleiða miklu meiri mat en þarf til að fæða alla, þriðja hverjum munnbita er sóað eða hent, jörðin okkar er að sligast undan oftöku og samtímis eru mörg hundruð milljónir manna sísvangar. Tveir milljarðar vannærðir af ýmsum ástæðum – fjórði hver maður. SJH 159
     
  4. Og Sumarliði Betúelsson ...
    Stefán Jón skrifar: Hornvíkin minnti á hringleikahúsið þegar við stigum á land, sviðið – þessi þaraprýddi fjörusandur sem hamrarnir í kring ramma inn. Engir áhorfendur, aðeins fuglaflákar. Hér steig fram af spjöldum sögunnar hinn mikli gladiator, Sumarliði Betúelsson. Þökk sé Árna Óla, sem var blaðamaður Lesbókar Moggans þegar blaðamenn voru blaðamenn, að lýsing á atburðum stendur okkur ljóslifandi fyrir sjónum.
    Það var sauðljóst 2. október annó 1937 þegar bjargfuglarnir upplifðu orrustu af því tagi sem ærðu lýðinn í Róm 2000 árum áður inni á sviði Kólósseum. Gladíatorinn var einn á ferð:  SJH 145

     
  5. Hjá þessum sama Sumarliða bjuggum við, skólafólk úr Norðurlandi, í gömlu sögufrægu skáldahúsi, Grundarstíg 15B, um og fyrir 1970 og Sumarliði blessaður rifjaði upp fyrir okkur þessa sögu af 67 grindhvölum, sem höfðu gengið á land í kvöldhúminu og hann banaði þeim einn saman með eggjárni, fékk svo til liðs bróður sinn, hvort hann hét Sölvi eða Betúel, en vann um þessar mundir við hvalstöðina á Hesteyri og bræddi þar hvalinn fyrir Sumarliða bróður sinn. En það merkilega var að foreldrar bræðranna höfðu búið þar í Höfn allan sinn búskap sem leigendur Magnúsar Torfasonar sýslumanns en Sumarliði keypti jörðina eftir að hann var orðinn þar eini bóndinn og einbúi og því átti hann hvalrekann.
     
  6. SJH heldur áfram:
    Hversu vel hefði 50.000 manna kór í Róm fagnað þessari sýningu? ... Eitthvað hefði þeim fundist um Sumarliða að sýningu lokinni, sýningu sem enginn sá, óþekkjanlegan hverjum þeim sem átti eftir að líta hann leitaði til granna sinna, þakinn blóði, sandi og sjó frá hvirfli til ilja. SJH 146

     
  7. Súrnun sjávar er yfirgengilegasta dæmið um þá ógnarkrafta sem mannkyn hefur leyst úr læðingi með útblæstri sínum. Það eru engir smáskammtar sem breyta efnainnihaldi þessa ótrúlega vatnsmassa sem þekur 70% af yfirborði jarðar og nær marga kílómetra í djúpin. Höfin geyma meira en 90% af lífmassa plánetunnar.  Höfin og lofthjúpurinn eiga í stöðugu samspili undir því álagi sem Mannöldin veldur og er nú þegar orðið hluti af breytingu sem vara mun um ófyrirsjáanlega framtíð. SJH 149
     
  8. Þessi frásögn átti aldrei að koma fyrir augu almennings. Sögumaður byrjaði að skrá hjá sér minnispunkta þegar fornvinur hans greindist með banvænan sjúkdóm. Þegar sagan hefst er hann í þann mund að taka við nýju starfi í Róm og sér hina stóru veraldarmynd úr rústum heimsveldis sem er löngu hrunið. Hann veltir fyrir sér hvort heimurinn eins og við þekkjum hann stefni í sömu átt. Þá kemur í ljós að sagan verður að birtast.
    Bakkápan hjá Stefáni Jóni Hafstein – Heimurinn – eins og hann er

     
  9. Í Silfrinu sun. 22. jan. ræddu þeir Egill og Stefán Jón um nýju bókina hans og að mesta auðlind plánetunnar væri jarðvegurinn, moldin.     
        
  10. Og vatnið!!!!
    Vatnið verður aðeins efnahagslegt verðmæti með því að taka það gegnum túrbínur og framleiða rafmagn eða setja í tanka til að brynna nautum. ...
    Væri vatnið óþrjótandi og stæði öllum til boða væri ekkert vandamál. En þegar takmarkanir taka við er spurningin þessi: Hversu verðmætt er eitthvað sem þú getur ekki verið án? Vatn? Það er óendanlega verðmætt. ...
    Hagvöxtur er furðulega þyrstur, sagði Alþjóðabankinn. Ofurneyslan er niðurgreidd með því að ganga á vatnsbirgðirnar. Og hreina loftið og skógana og og og ...
    Þetta er allt of flókið. SJH 220

     
  11. Mannskepnan er á jörðinni ... eins og banvænn sjúkdómur.
    Krabbamein.
    Þá er það sagt. SJH 212

     
  12. Stefán Jón blandar minningum frá æsku, námi og starfi sínu í Afríku, Evrópu eða veiðiskap á Íslandi saman við fróðleik og frásögur af græðgi mannskepnunnar, sem virðir engin mörk, sér ekki vankanta, sér ekki einu sinni – eða viðkennir – veðurógnina og skógarbruna sem verða fréttaefni æ og aftur. Saga Rómverja fær líka rúm í hugleiðingum SJH um leiðir fyrir mannkynið að snúa af villubraut sinni.
     
  13. Þessa bók Stefáns Jóns Hafsteins væri spennandi að miðla í hvern dal og fjörð og gengi svo bæja á milli eins og gangnaseðillinn forðum. Lengur er þó verið að lesa SJH, blaðsíðurnar talsvert fleiri eða 280 alls.
     
  14. Mætur fékk ég á Stefáni Jóni þegar hann vildi – og minnti okkur Jónasarþjóðina á – að láta ásannast að Ísland skyldi lengi muna Paul Gaimard, sem eitt sinn stóð á tindi Heklu hám:

    Heill sé þér, Páll! og heiður bestur!
    hjá oss sat aldrei kærri gestur.
    Alvaldur greiði æ þinn stig!
    Ísland skal lengi muna þig. Jónas Hallgrímsson

Ítarefni
Ísland skal lengi muna þig/sögukorn: https://www.huni.is/index.php?pid=58&cid=17827

Vísindin efla alla dáð/Til herra Páls Gaimard: https://bragi.arnastofnun.is/ljod.php?ID=3412

Ingi Heiðmar Jónsson

Höf. rzg
 
Prenta Prenta  
 
Til baka
 

©2023 Húnahornið