Fyrri mynd
Nsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Hnahornið
Open Menu Close Menu
Hnahornið
Mánudagur, 17. júní 2024
   m/s
C
CW
huni.is - RSS-efnisveita
 
Júní 2024
SMÞMFL
2627282930311
2345678
9101112131415
16171819202122
23242526272829
30123456
FyrriNúnaNæsti
Veðurstofa Íslands Vegagerðin
Holtavörðuh. 20:33 0 0°C
Laxárdalsh. 20:33 0 0°C
Vatnsskarð 20:33 0 0°C
Þverárfjall 20:33 0 0°C
Kjalarnes 20:33 0 0°C
Hafnarfjall 20:33 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
13. apríl 2024
Klúðrið er víða
Klúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug.
::Lesa
Leita í netfangaskrá
 
76. þáttur. Eftir Jón Torfason
15. júní 2024
Eftir Guðmund Inga Guðbrandsson
15. júní 2024
Eftir Inga Heiðmar Jónsson
13. júní 2024
Eftir Ásgerði Pálsdóttur
09. júní 2024
Eftir Dagnýju Rósu Úlfarsdóttur
05. júní 2024
Eftir Inga Heiðmar Jónsson
03. júní 2024
75. þáttur. Eftir Jón Torfason
20. maí 2024
N 65 39' 32.04" V 20 16' 55.2"
Pistlar | 06. mars 2023 - kl. 16:28
Sögukorn: Hásalur ása
Eftir Inga Heiðmar Jónsson
  1. Launstafir tímans úr hugskoti Heimis Steinssonar. 
     
  2. Eiguleg bók kom út hjá Sæmundi, bókaútgáfu á Selfossi á síðasta ári, höfundurinn, sr. Heimir Steinsson er látinn, lést aðeins 62 ára, en systkini hans söfnuðu „brothættum en dýrmætum minningum og vona að verkið rati í góðar hendur."

    Bókin er persónuleg, hlý og djúpsæ skrif og ljóð og Guð er er nálægur, nánast á hverri síðu. Næsti töluliður er úr formála dr. Atla Harðarsonar meistara í heimspeki.

     
  3. „Þótt ég sjálfur viti ekki til þess að hafa skynjað neitt sem er handan við tímans tjald þá er það mér mikils virði að hafa kynnst manni sem talaði við eilífðina. Þetta er ef til vill jafn dýrmætt þótt slíkt tal sé ekkert annað en brotabrot af dásemd þess stundlega. Hugmyndin um „kærleikseiningu allra hluta" bregður birtu á hið hversdagslega – jafnvel þótt manni sé ekki gefið að trúa henni nema rétt svo í aðra röndina."  

    Úr ræðu Atla Harðarsonar, nemanda og nágranna sr. Heimis meðan þeir bjuggu í Biskupstungum, en Atli skrifaði í nóv. 2021 formála að bókinni Launstafir tímans.

     
  4. Sr. Heimir segir:
    Á fullorðinsárum hef ég eindregið verið þeirrar skoðunar, að fermingaraldur bæri að lækka og ferma börn tíu ára gömul. Á þeim aldri eru börn í blóma bernsku sinnar og einlægrar hrifningar. Álitamál gelgjuskeiðsins er ekki tekin að gjöra vart við sig. Þetta ætti kirkja Þín, Drottinn, að hagnýta sér í stað þess að kljást við unglingana á þeim óræða aldri, sem lengi hefur tíðkast og enn er við lýði. HSt.  Bls. 29

     
  5. Ég ligg fyrir framan afa. Hann hefur hallað sér í rökkrinu og hefur bók í annarri hendi, Friðþjófskvæði hins frækna eftir Tegnér, í þýðingu Matthíasar Jochumssonar. Afi les upphátt fyrir mig. Við erum einir í heiminum og afi hefur tíma til að sinna mér, eins og ævinlega. Myndirnar í bókinni eru alldramatískar. Mér þykir mikið til um þær. En rödd afa er nærgöngulli en myndirnar:

    Skinfaxi skundar
    skimandi um síðir
    sunnan úr blíðheimi
    bjartari en fyrr.

    Hásalur ása
    heilsar oss fríður
    horfin er jörðin
    til ölmála þings.
    Einherjar blása
    unaður bíður
    ítur sem gullhjálmur
    tilkomu hrings.

    Rómur afa er mildur og einhvern veginn festast þessar forneskjulegu hendingar í hugskoti mínu, ásamt ótal öðrum úr hinum merkilega kvæðabálki. HSt. Bls. 31

     
  6. Þorsteinn Erlingsson er aldrei fjarri, þegar afi hefur uppi ljóð. Jafnvel einstaka hnullungum úr samanreknum stuðlabjörgum Einars Benediktssonar er hlaðið að höfði sveinsstaula innan við skólaaldur, – að ógleymdum Kristjáni fjallaskáldi - ættarskáldinu, sem Kristján frændi er heitinn eftir og gaman væri að líkjast. HSt. Bls. 32
     
  7. Ég minnist þess ekki að afi hafi nokkru sinni kysst mig á kinnina. Eflaust hefur hann gert það. En ég sem sagt minnist þess ekki. Sá sem býr við bjarnaryl þarfnast ekki hitapoka. HSt. Bls. 35
     
  8. Góðir hlustendur, nú fór í verra. Þetta er þegar orðið allt of langt. Þó er ég í rauninni rétt að byrja. Minningarnar um afa minn þyrpast fram úr hugskotinu jafnskjótt og ég sest niður og fer að gefa þeim gaum. Þetta er ekki að undra. Hann var minn nánasti förunautur fyrstu tíu ár ævi minnar. Mamma vann lengst af úti. Pabbi var önnum kafinn maður, við starf sitt og félagsleg efni. Afi og amma voru mér hálft um hálft í foreldra stað. HSt. Bls. 40
     
  9. Sumarósk

    Mætti ég deyja í vatnið
    undir logandi sumarsól
    á milli grænna grasa.

    Mætti ég stíga upp af vatninu
    og þéttast kumpánalega á himnum
    í kveðjuskyni yfir framandi landi.

    Mætti sterkur vindur bera mig
    þangað sem regnið fellur
    yfir heimbyggð mína alla. Heimir Steinsson

    Skálholti 1974.
    Úr ljóðabókinni Haustregn 1986

     
  10. Ég/IHJ geng stundum yfir í Grænumörk að hitta fótsnyrtifræðinginn en í síðustu ferð sem ég fór – og fór að bíða – settist hjá mér Ásta Benjamíns, sem tók þátt í nónsöng með okkur fleiri fyrr á árum og tal okkar barst að þessari góðu bók um sr. Heimi Skálholtsrektor. Rifjaði Ásta upp hvernig þær Kristín Steinsdóttir rithöfundur hefðu hist í Bókakaffinu, þar á kynningu og hún hefði gefið sér, Launstafina, bókina um bróður sinn. Frásögn hennar af bókinni og tal okkar, varð til þess að Ásta vatt sér í lyftuna, upp í íbúðina sína, náði í bókina til að lána mér.

    Og nú fer ég að skila henni, læt það í leiðinni reka mig til að tína saman nokkur sögukorn af snjöllum orðum Heimis til að senda ykkur, kærum lesendum Húnahorns.

    Þessi bók, Launstafir tímans er byggð upp af ræðum rektorsins, trúnaði hans við Guð, játningum frá frá ýmsum tímum ævinnar og svo ljóðum hans.

     
  11. Sr. Heimir Steinsson Skálholtsrektor 1937 – 2000, náði aðeins 62 ára aldri.

Ingi Heiðmar Jónsson

Höf. rzg
 
Prenta Prenta  
 
Til baka
 

©2024 Húnahornið