Fyrri mynd
Nsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Hnahornið
Open Menu Close Menu
Hnahornið
Föstudagur, 1. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 03:07 0 0°C
Laxárdalsh. 03:07 0 0°C
Vatnsskarð 03:07 0 0°C
Þverárfjall 03:07 0 0°C
Kjalarnes 03:07 0 0°C
Hafnarfjall 03:07 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
69. þáttur. Eftir Jón Torfason
25. febrúar 2024
Eftir Inga Heiðmar Jónsson
25. febrúar 2024
Eftir Sigurbjörn Þorkelsson
25. febrúar 2024
Eftir Sigurbjörn Þorkelsson
19. febrúar 2024
Frá Leikfélagi Dalvíkurbyggðar
16. febrúar 2024
68. þáttur. Eftir Jón Torfason
11. febrúar 2024
Eftir Inga Heiðmar Jónsson
11. febrúar 2024
Eftir Inga Heiðmar Jónsson
08. febrúar 2024
N 65 39' 32.04" V 20 16' 55.2"
Pistlar | 09. janúar 2024 - kl. 09:56
Andleg orkuskipti með náttúrulegum kærleikslausnum
Eftir Sigurbjörn Þorkelsson

Ekkert ár er án áfalla og ekkert ár er gleðisnautt. Og jafnvel þótt áföllin og mótlætið séu sár og erfið á meðan þau ganga yfir og skilji eftir sig illgræðanlegra sár eða í besta falli ör bæði ljúfra og sárra minninga. Þá geta þau engu að síður oft orðið að dýrmætri reynslu þegar frá líður. Minningum  sem þú átt og getur byggt framtíðina á, og engin og ekkert megnar frá þér að taka. Gættu þess bara að festast ekki í fortíðinni.

Þurfum að endurræsa

Hvernig er það, þurfum við nú ekki að fara að horfa í augun á okkur sjálfum og bara að núllstilla? Endurræsa? Erum við ekki bara stödd á hálfgerðum byrjunarreit, eftir allt saman? Jafnt í lífsins tilgangi, veraldarsögunni, í núinu, í framtíðarsýn okkar, í umgengni við hvert annað, náttúruna og loftslagið?

Við búum yfir mikilli og magnaðri sögu, þekkingu og reynslu en virðumst þó með skammtímaminni. Ekki síst við sem höldum okkur ætíð hafa allt á hreinu og svörin við öllum ráðgátum mannsins.

Þurfum við ekki mögulega bara að fara að taka ákveðnum háttaskiptum með endurnýjun hugarfarsins?

Þurfum við ekki mögulega á ákveðnum orkuskiptum að halda. Bæði í mannlegum samskiptum og í umgengni okkar við náttúruna. Hollum og nauðsynlegum, nærandi, náttúrulegum kærleikslausnum. Þar sem við tökum að sjá hvert annað með kærleiksríkum augum frelsarans okkar, Jesú Krists, sem á uppsprettu sína í hjarta Guðs.

Þurfum við ekki bara að fara að gefa sáttasemjara Guðs og manna tækifæri til að stilla okkur af og hafa áhrif á okkur til góðs? Til heilla og blessunar fyrir okkur sjálf, hvert annað mannkynið allt og alla hina dýrmætu sköpun?

Endurnýjanleg orka

Við þurfum á endurnýjanlegri orku að halda frá degi til dags. Þeirri lífvænlegu orku sem Jesús Kristur er. Hinni sönnu orku sem varir ekki aðeins á milli staða eða út daginn og ekki aðeins ævinlega, heldur eilíflega.

Við þurfum nefnilega að leiðrétta alls konar kúrsa í höfðinu á okkur. Við þurfum að biðja Guð um að gefa okkur hjartafylli af frelsaranum Jesú og heilögum anda hans.

Við þurfum á sálgæslu að halda, ekki dómgæslu. Samstöðu, skilningi, stuðningi en ekki hatursáróðri og baktali og því að gera lítið úr eða tor tryggja hvert annað.

Það sem meðal annars er að fara með okkur er endalaus samanburður og öfund.

Okkur var aldrei ætlað að vera eins og með sömu skoðanir en við vorum kölluð til að vera samferða, á ævinnar vegi og inn í dýrð himinsins þegar sá tími rennur upp.  

Guð gefi okkur öllum að sjá til sólar og fá að lifa hamingjuríkt og friðsamt ár.

Fullur vonar og með bæn í hjarta sendi ég lesendum sem og þjóðinni allri mínar einlægustu kærleiks- og friðarkveðjur.

- Lifi lífið!

Höfundur er ljóðskáld og rithöfundur og aðdáandi lífsins.

Höf. rzg
 
Prenta Prenta  
 
Til baka
 

©2024 Húnahornið