Pistlar | 30. maí 2014 - kl. 14:02
Eftir Valgarð Hilmarsson sem skipar 1. sæti L-listans á Blönduósi
Á morgun ganga kjósendur í kjörklefann og velja sér fulltrúa í bæjarstjórn til
næstu fjögurra ára.
Við á L-listanum bjóðum fram krafta okkar.
Eins og þið vitið flest þá leggjum við hjá L-listanum
mikla áherslu á eflingu atvinnulífs. Við
viljum einnig standa vörð um samfélagsþjónustuna og efla innviði hennar, enda
er þetta allt samtengt.
Miklu máli skiptir að byggja upp bjartsýni og tiltrú hjá
íbúum og að allir vinni saman.
Svartsýni, öfund og neikvæðni nagar samfélög innanfrá og má ekki líðast hjá
okkur. “Sameinaðir stöndum vér en sundraðir föllum vér.”
Mig langar að setja fram uppskrift að góðu samfélagi.
Aðalréttur:
50%
jákvætt hugarfar
25%
bjartsýni
25%
trú á það sem við erum að gera
Meðlæti: Samvinna og áræði
Trú
á samfélagið
Eftirréttur:
Árangur og gleði
Ágætu kjósendur stöndum saman og setjum X við L. Áfram Blönduós!
Valgarður Hilmarsson