Pistlar | 28. maí 2014 - kl. 20:15
Eftir Bóthildi Halldórsdóttur sem skipar 12. sæti á L-listanum
Ágætu kjósendur,
Enn og aftur er komið að
bæjarstjónarkosningum, já tíminn er fljótur að líða. Aldrei datt mér í hug að
ég gæfi kost mér á lista. Mér eins og mörgum fleirum hefur þótt mikið betra að
sitja heima og kvarta út af hinu og þessu sem betur mætti fara, eða hefur ekki
verið gert. Ég er löngu búin að komast að því að það gerist ekkert við
eldhúsborðið þó upp komi ýmsar hugmyndir, nema maður vinni í því sjálfur að
koma þeim áfram. En sitt sýnist hverjum sem eðlilegt er og þó ég sé ekki
ofarlega á lista hef ég mínar skoðanir og drauma um okkar ágæta bæ sem mig
langar að deila með ykkur. Því hér er gott að búa og gott fólk, sama í hvaða
flokki það er. Eins og margir vita er ég búin að vinna á HSB í samfleytt 37 ár
og þekki vel til og er annt um stofnunina og þá sem þar dvelja. Ég tel að gott
sjúkrahús með góðu starfsfólki sé ein af grunnstoðum okkar samfélags. Oft hefur
nú blásið köldu á þessa stofnun, en hún hefur staðið af sér sterka sunnan
strauma í formi niðurskurðar. En nú er komið að því að sameina þessa stofnun öðrum
stonfunum á Norðurlandi, nokkuð sem lengi hefur verið í umræðu en ekki orðið að
veruleika fyrr en nú. Nú þurfum við að vera vel vakandi og gæta þess að halda
okkar og heldur að gefa í og nýta betur það húnsnæði sem staðið hefur ónotað um
nokkurn tíma og ég veit að félagar mínir í L-listanum eru sammála mér í því.
Reyndar er Gerður Beta vinkona mín búin að skrifa frábæra grein um þennan
málaflokk sem ég hvet ykkur til að lesa. En svo ég haldi áfram með mín
áhugamál, þá langar mig að sjá betur hlúð að öldruðum og öryrkjum. Þessir
málaflokkar hafa allt of oft gleymst og það er ekki gott til afspurnar fyrir
okkur og þar sem aldurinn færist yfir mig, þá veit ég enn betur að margt má
lagfæra í þeim málum. Í þeirri kosningabaráttu sem nú stendur yfir og fer mikið
fram á netmiðlum, gleymist að margir aldraðir hafa ekki tölvur og fylgjast þess
vegna ekki með og það er svo með fleira sem ég ætla ekki að fara nánar út í
núna. Enda er betra að láta verkin tala og það vona ég svo sannarlega að okkur
takist. Stjónsýslan þarf líka að vera opnari og við þurfum öll að vera á
varðbergi og fylgjast með því sem er að gerast í okkar samfélagi og láta í
okkur heyra því þetta er okkar bæjarfélag. Þess vegna kýs ég L-Listann.
Ljúfar kveðjur Bóthildur