Vatnsnes
Pistlar | 23. nóvember 2015 - kl. 07:12
Stökuspjall - Kalda vatnið kemur mér upp
Eftir Inga Heiðmar Jónsson
Kalda vatnið kemur mér upp sagði sýsluskrifarinn á Geitaskarði sem hafði komið seint heim og drukkinn kvöldið áður og saup kalt vatn til að hressa sig áður en hann færi á kontórinn. Guðmundur sýsluskrifari er kunnastur af sveitavísum sínum og sr. Pétur Ingjaldsson á Höskuldsstöðum notaði þær gjarnan í líkræður sínar og fleiri hafa brugðið á svipað ráð og sótt sér kraft í þessar einföldu og oft skilyrtu vísur: Þó Blöndudalur blautur sé Víkur sögunni vestur á Vatnsnes. Til Præstekaldet Bægisaa Að setja saman á matfangalista landsel og Grænlandsís lýsir kímni Tjarnarprests, samtímamanns Jónasar og Konráðs, Ögmundur Sívertsen hét hann, en þegar hann fékk Tjarnarprestakall hafði hann líka sótt um Bægisá í Öxnadal sem þótti betra brauð og lét sig ekki muna um að setja í eina vísu með dönsku rími umsóknina til kóngs en annar Tjarnarprestur frá síðustu öld, sr. Sigurður í Hindisvík var meira upp á enskuna og gerði hringhenda lofnarvísu, sem sumir trúa að sé elsta hringhenda á ensku: She is fine as morn in May Frá þessum skáldaprestum Vatnsnesinga og mörgum öðrum Húnvetningum sagði Þór Magnússon fyrrum þjóðminjavörður stórum hópi nemanda í U3A/húnvetnskum fræðum s. l. miðvikudag, í Húnabúð í Skeifunni. Fyrirlesarinn kryddaði mál sitt með vísum og skemmti með stuttum skrýtlum. Hátt í hundrað gestir þökkuðu fyrir með hressilegur lófataki. Næstur kemur í Húnabúð rithöfundurinn Ragnar Arnalds og segir frá Þórdísi á Vindhæli. Sá fundur er á sama tíma, kl 17 á miðvikd., 25. nóv. Í Þjóðskjalasafninu við Laugarveg efnir Sögufélagið Húnvetningur til fundar n. k. laugard. 28. nóv. kl. 13 .Þar flytur Þórður Vilberg Guðmundsson fyrirlestur sinn, Hungurdauði og Hallæri í Húnavatnssýslu 1755-1756 Rithöfundar munu einnig koma og kynna nýjar bækur sínar er tengjast Húnaþingi. Vísað er til: Eldra stökuspjall: Ingi Heiðmar Jónsson |
Húnahornið - Fréttavefur allra Húnvetninga |