Sumarið 2014 stóðu Þekkingarsetrið á Blönduósi og Ferðamálafélag Austur-Húnvetninga fyrir könnun meðal ferðamanna sem heimsóttu Norðurlandi vestra, í sambandi við átaksverkefni um ferðamál. Könnuninni var dreift á ferðaþjónustufyrirtæki á Blönduósi og í Húnavatnshreppi og er henni ætlað að gefa betri skilning á upplifun ferðamanna á svæðinu, að því er fram kemur á vef Þekkingarsetursins.

Þar kemur fram að spurt hafi verið m.a. um bakgrunn þátttakenda, upplifun og ferðahegðun. Þátttakendur sem svöruðu könnunni voru 102.

Samkvæmt henni eru það að mestu leyti ferðamenn frá vestur Evrópu (Þýskalandi, Spáni, Ã�talíu, Frakklandi og Hollandi) sem heimsækja svæðið. Síðan koma ferðamenn frá Norður-Ameríku. Mest er um að ræða hjón á aldrinum 24 - 39 ára sem að ferðast á bílaleigubíl eða einkabíl. Flestir (49%) heimsækja svæðið vegna þess að þeir eiga leið þar um og dvelja þeir stutt, eða í um eina til tvær nætur.

Þegar fólk var spurt eftir því hvað það hafði mest gaman af á svæðinu voru það um 90% þátttakenda sem svöruðu því til að þeir hefðu mest haft gaman af landslaginu og náttúrunni, en valmöguleikar voru landslag/náttúru, söfn og sýningar, golf, hestaferðir, veiði, sundlaugar og mat. Næst voru söfn og sýningar, og sundlaugar (17%).

Þegar þátttakendur voru spurðir hvaða kynningarefni fyrir ferðamenn þeir höfðu notað til þess að afla sér upplýsinga, voru það flestir sem höfðu notað ferðahandbækur (82%) eða booking.com (81%), en 40% notuðu ferðabæklinga og 38% vefsíðu Tripadvisor.

Spurt var einnig um hvað þurfti helst að laga og kom þar fram að það vanti meiri upplýsingar um svæðið, bæta mætti innviði svæðisins til að mynda vegi eða bæta við verslunum og þjónustu. Einnig var nefnt að opnunartímar mættu vera lengri í matvöruverslunum og söfnum/setrum.

Þegar fólk var spurt hvort að það myndi vilja heimsækja svæðið aftur voru það 62% sem svöruðu því játandi, 6% svöruðu því neitandi en 29% voru óvissir.

� vef Þekkingarsetursins segir að stefnt sé að því að Ferðamálafélag Austur-Húnvetninga endurtaki könnunina næsta sumar og dreifi henni viðar.