Á Húnavöku, sunnudaginn 18. júlí, verður frá kl. 14:00 sérstök dagskrá í Heimilisiðnaðarsafninu. Konur taka ofan af, kemba og spinna á rokk og halasnældu. Einnig verður prjónað og ofið í vefstól, heklað og gimbað og sýndur margskonar útsaumur.

Stemning verður í Brautarhvammi (tjaldstæðinu) annað kvöld en þá mun Geirmundur troða upp á milli kl. 21:00 – 23:00. Geirmund þekkir hvert mannsbarn og er óhætt að segja að skemmtanir hans hafa aldrei klikkað.

Á laugardaginn mun Buick Super árgerð 1947 snú aftur á Blönduós eftir 22 ára fjarveru er eigandi hans, Evert Kr. Evertsson, mun aka honum frá Reykjavík árla morguns norður. Áætlar Evert að vera á Blönduósi á milli kl. 12:00 – 17:00 og gefst þá gestum kostur á því að skoða bifreiðina.

Það bætast við óformlegir dagskrárliðir um Húnavökuhelgina en nú er ákveðið að Björn Thoroddsen, flugmaður, kemur um helgina á Pitts Special M12 (Monster Pitts) og verður með listflug á Blönduósi. Hægt verður að fræðast nánar um Yndisgarða á Blönduósi.

Skemmtileg myndlistarsýning er nú í stigagangi sýslumannshússins á Blönduósi. Þarna er á ferðinni afrakstur vinnu barnanna og Inese Elferte starfsmanns í Leikskólanum Barnabæ. Þarna eru margir upprennandi listamenn og verður enginn svikinn af því að gera sér ferð á skrifstofu sýslumannsins til að sjá myndirnar.

Sundlaug Blönduóss hefur sent út fréttatilkynningu varðandi breyttan opnunartíma um Húnavöku en helsta breytingin er sú að á föstudaginn verður sundlaugarpartý fyrir krakka og formleg vígsla sundlaugarinnar verður laugardaginn 17. júlí kl. 12:00.

Húnavaka 2010 verður um helgina á Blönduósi. Mikið verður um dýrðir um fjölbreytta fjölskyldu- og menningarhátíð er að ræða. Nægir þar að nefna myndlistarsýningu Ragneyjar Guðbjarts, tónleika Skólalúðrasveitar Seltjarnarness undir stjórn Kára Einars, gamanleikinn Hellisbúann, tónleika Bjartmars Guðlaugs, söngkeppni barna og unglinga Míkróhúninn, Blönduhlaup USAH, sýning á ljósmyndum Björns Bergmann og fl.

Fyrirhugað er að hafa götumarkað á Húnavöku laugardaginn 17. júlí kl. 13:00 til 16:00. Tilvalið er fyrir handverk og hannyrðafólk að taka þátt.

Gamanleikurinn Hellisbúinn með Jóhannesi Hauki Jóhannessyni verður sýndur í Félagsheimilinu (danssal) á Húnavöku, föstudagskvöldið 16. júlí kl. 20:30. Þetta er síðasta sýningin á þessari uppfærslu á Hellisbúanum, sem sló í gegn í Íslensku Óperunni síðastliðinn vetur.

Blönduhlaup verður haldið laugardaginn 18. júlí kl. 11:00 í tengslum við sumarhátíðina Húnavöku á Blönduósi. Sumarhátíðin Húnavaka er fjölskylduhátíð og því verður mikið um að vera á Blönduósi fyrir alla fjölskylduna þessa helgi. Þess skal getið að auk hefðbundinna verðlauna eru dregin út nokkur útdráttarverðlaun sem koma frá helstu matvælaframleiðendum í sýslunni.

Húnavökuhelgina verður Inese Elferte með sýningu á listaverkum sínum á Húnabraut 13, annarri hæð og einnig næstu tvær helgar þar á eftir. Inese býður áhugasömum gestum að mála á silki og listaverk hennar verða til sölu á staðnum.

Bjartmar Guðlaugsson verður með tónleika í Félagsheimilinu á föstudagskvöld en ekki á Árbakkanum eins og auglýst hefur verið. Húsið opnar kl. 22.00 og tónleikarnir hefjast kl. 23.00, átján ára aldurstakmark.

Ef þú kannt að spila G, C, D, E moll og A moll og verður á Blönduósi á laugardaginn þá er þetta eitthvað fyrir þig!

Húnavaka 2009 verður helgina 17.-19. júlí og er dagskráin öll að skýrast. Yfirumsjón er í höndunum á Einari Erni Jónssyni líkt og undanfarin ár. Dagskrá hátíðarinnar er nánast að verða tilbúin en hún er hin glæsilegasta að vanda. Samningaviðræður standa nú yfir við veðurguðina og treystum við á að niðurstöður þeirra viðræðna verði okkur hliðhollar. Það mun skýrast næstu daga.