Loksins var hafist handa við viðgerð á Blöndubrúnni og er það sannarlega löngu tímabær aðgerð. Ég held að ég mæli fyrir munn flestra íbúa hér að við hefðum viljað fara í róttækari aðgerðir og breikka brúna sem nemur göngustígnum á norðurhlið brúarinnar og gera gangbraut utan á brúnni eða  fallega göngubrú neðan við núverandi brú. Ã� æðri stöðum var ákveðið var að fara í þær framkvæmdir sem nú standa yfir og við vitum að um allt land vantar peninga til viðhalds vega. Við skulum því vera þakklátir fyrir það sem í okkar hlut kemur. Við vitum líka að ekki geta allir draumar ræst og við eigum engan lipran liðsmann á Alþingi sem dælir peningum hingað norður í fásinnið til okkar, þeir fjúka bara allir aðeins lengra norður og koma sér vel þar.

Ã� mínu daglega amstri þarf ég oft að aka yfir Blöndubrúna og ég öfunda ekki starfsmennina  sem vinna við viðgerð brúarinnar. Þarna er stöðug umferð allan daginn rétt við hliðina á þeim og mér finnst þeir alltaf vera í vatnsúða, að ég tali nú ekki um hávaðann sem fylgir þessu róti. Þeir geta þó þakkað  fyrir þá eindæma veðurblíðu sem verið hefur í haust.

Sé hegðun ökumanna um Blöndubrúna síðan viðgerð á henni hófst  og sett voru umferðaljós við brúna, til marks um umferðamenningu landans,  gef ég henni ekki háa einkunn.  Ãžarna hef ég marg-marg-marg oft séð bifreiðum ekið móti rauðu ljósi. Ökumenn bíla sem koma að sunnan og aka beinustu leið gegnum bæinn hafa böðlast fram með hlið þeirra sem virða rauða ljósið og bíða eftir því græna og af verður öngþveiti því gatan er aðeins tveggja akreina. Bílar sem koma eftir Húnabrautinni virða ekki aðalbrautarrétt þeirra sem koma niður Norðurlandsveginn og aka þvert í veg fyrir þá og einnig hafa margsinnis myndast þarna umferðateppur á gatnamótunum vegna þess að bílar sem bíða eftir að komast á brúna loka fyrir akstur inn á Húnabrautina.  Má þakka fyrir að þarna hefur ekki orðið slys.

Góður pistill birtist hér á vefnum í s.l. mánuði frá Guðmundi St. Ragnarssyni (Mugga). Alltaf er gaman þegar brottfluttir Blönduósingar láta í sér heyra og oftar en ekki eru þeir með gleggri sýn á málefni okkar en við mörgt hver sem heima sitjum. Ég sá ekki þennan framboðsfund úr Norðvesturkjördæmi sem Muggi gerir að umfjöllunarefni  sínu og get því ekki tjáð mig um efni hanns,  en tek undir það með honum að allt of sjaldan er minnst á fólkafækkun hér og einhæft atvinnulíf okkar Húnvetninga og sé eitthvert fjármagn sett í eflingu atvinnu eða annað til hagsbóta fyrir íbúa hér á Norðvesturlandi þá fer það í Skagafjörð. Nú veit ég að nágrannar okkar Skagfirðingar eru dugmikið og drífandi fólk og á undanförnum árum hafa þeir heldur betur látið heyra til sín og kvartað í fjölmiðlum um þörfina á að efla sveitarfélagið Skagafjörð. Það er heldur ekki annað að sjá en þeim hafi orðið töluvert  Ã¡gengt því fyrir stuttu var sagt frá því í sjónvarpi að ekki færri en 40 íbúðir væru nú í smíðum á Sauðárkróki.  Skagfirðingar áttu ráðherra í fyrrverandi ríkisstjórn, ágætis kjördæmapotara eins og sagt var hér áður fyrr meðan kjördæmin voru minni og fleiri. Nú eru kjördæmin orðin færri og stærri og þá dugar hreppapólitíkin ekki lengur og ættu því ráðamenn þjóðarinnar  að líta á landið allt sem eitt svæði og deila réttlátlega út því sem til skiftanna er. Því miður er það svo að hér í Húnavatnssýslum virðist  ekki vera fátt um dugandi fólk sem vill tala okkar máli á réttum stöðum enda gerist hér harla lítið. Það er því kaldhæðnislegt að nú þegar heyrist um það í fjölmiðlum að opna eigi allar gáttir fyrir fleiri gagnaver á landinu, sitji bæjar/sveitarstjórn Blönduóss yfir teikningum af álveri á Hafursstöðum sem líklega aldrei kemur. Þeir hafa líklega stungið gagnavers teikningunum niður í skúffu. 

Hvort margir tóku Mugga á orðinu og skiluðu auðu í kosningunum veit ég ekki.

Það urðu mörgum vonbrigði þegar þau boð voru látin út ganga að hætt yrði við styrktarsjóðsballið annað árið í röð og afleitt að leggja af aðal fjáröflunarleið sjóðsins. Mér finnst þetta eitt birtingardæmið og samstöðuleysi okkar hér. Nú fæst enginn til að vinna við svona samkomur nema frá greitt fyrir, hvorki við miðasölu, dyravörslu eða aðra þjónustu við gesti. Mér skilst að allt slíkt hafi verið unnið af sjálfboðaliðum á fyrstu dögum þessara skemmtana. Þá stóðu líka miklu fleiri félög að þessum sjóði, en nú lognast hér hvert félagið af öðru útaf. Það kom vel í ljós fyrir nokkrum vikum þegar starfsmenn sjúkrahússins héldu bingó að ef samstaða fólks er góð og gengið er til verka með glöðu geði, þá er hægt að gera býsna marga góða hluti.

Eftir fádæma gott haust er nú vetur karlinn kominn. Óskandi er að hann verði mildur eins og sumarið og haustið voru.

Njótum skammdegisins.
Kveðja  Nöldri.