Tekin hefur verið ákvörðun um að loka dvalar- og hjúkrunarheimilinu Sæborg á Skagaströnd fyrir heimsóknum ættingja og annarra gesta frá og með 7. mars, þar til annað verður formlega tilkynnt. Í tilkynningu á vef Skagastrandar segir lokunin sé gerð að höfðu samráði við sóttvarnayfirvöld eftir að neyðarstigi almannavarna var lýst yfir vegna COVID-19 veirunnar. Allra leiða er leitað til að draga úr hættu á að íbúar veikist og er lokunin liður í því.

Við sérstakar aðstæður má leita undanþágu hjá hjúkrunarfræðingi.

Fólk er beðið að kynna sér upplýsingar og leiðbeiningar á vef Landlæknisembættisins www.landlaeknir.is um stöðu mála, en þær geta breyst frá degi til dags.

Ef frekari upplýsinga er óskað er hægt að hafa samband við hjúkrunarfræðing í síma 452 2810 eða saeborg@simnet.is.