Veðurstofa Íslands hefur gefið út gula veðurviðvörun fyrir landið allt í dag. Gert er ráð fyrir sunnan hvassviðri eða stormi og slyddu og rigningu. Fyrir Norðurlandi vestra gildir viðvörunin frá klukkan 10 til 22. Spá er sunnan hvassviðri eða stormi með vindhraða 18-23 metrum á sekúndu og hlánar smá saman. Mjög hált getur orðið og er fólk hvatt til að fara varlega. Þá hefur einnig verið gefin út gul veðurviðvörun fyrir sunnudaginn 22. mars frá hádegi og til miðnættis.

Gengur þá í sunnan hvassviðri eða storm um landi með slyddu og síðar rigning, jafnvel talsverðri rigningu. Hlýnandi veður. Búast má við leysingum, auknu afrennsli og vatnavöxtum í ám og lækjum. Mikil hálka getur myndast þar sem rignir á klakabunka eða þjappaðan snjó. Mikilvægt er að hreinsa frá niðurföllum til að forðast vatnstjón vegna rigningar og leysingavatns.