Alls hafa 409 smit af Covid-19 veirunni verið staðfest á landinu samkvæmt nýjum tölum á vefnum covid.is. Hefur þeim fjölgað um 75 milli daga og um 151 síðustu tvo daga. Flest smit eru á höfuðborgarsvæðinu eða 349 og eru 2.934 í sóttkví. Tveir eru smitaðir á Norðurlandi vestra og 237 eru í sóttkví og tveir eru smitaðir á Norðurlandi eystra og 194 í sóttkví. Á Vestfjörðum hafa engin smit verið staðfest en þar er 21 í sóttkví.

Engin smit hafa heldur verið staðfest á Vesturlandi eða Austurlandi en 72 eru í sóttkví samanlagt í þessum landshlutum. Á Suðurnesjum eru 19 smitaðir og 141 í sóttkví.

Alls eru 4.166 í sóttkví á landinu öllu en 577 hafa lokið sóttkví. Tekin hafa verið 9.189 sýni og sjö eru á sjúkrahúsi.

Rúmlega 52% smitaðra eru karlar og rúmlega 47% eru konur. Yfir 60% smitaðra eru á aldrinum 30-59 ára.

Sjá nánar á www.covid.is.