Veðurstofan hefur gefið út gula veðurviðvörun fyrir Norðurland vestra frá klukkan 18 í dag og gildir hún til miðnættis. Spáð er sunnan stormi með 18-23 metra vindhraða á sekúndu. Snarpar vindhviður verða við fjöll, að 35-40 metrum á sekúndu, einkum í Skagafirði og á vestanverðum Tröllaskaga. Hitastig er hækkandi og líkur á talsverðri snjóbráð með vatnavöxtum í ám og lækjum. Mikilvægt er því að hreinsa frá niðurföllum til að forðast vatnstjón vegna leysingavatns. Fólk er hvatt til að sýna aðgát.

Vetrarfærð er í flestum landshlutum og allvíða vantar vegstikur eða þær eru á kafi í snjó. Vegurinn um Holtavörðuheiði er á óvissustigi og ef aðstæður versna gæti þurft að loka honum án frekari fyrirvara. Sömu sögu er að segja um Vatnsskarð og Þverárfjall.

Sjá nánar á vef Veðurstofunnar og vef Vegagerðarinnar.