Í ljósi þess að Covid-19 faraldurinn hefur valdið miklu raski á allri starfsemi í Húnaþingi vestra, bæði hjá fyrirtækjum og heimilum, með fyrirsjáanlegu tapi á næstu mánuðum, hefur sveitarfélagið ákveðið að breyta gjalddögum fasteignagjalda 2020. Gjalddagar sem vera áttu 1. apríl, 1. maí og 1. júní breytast í 1. september, 1. október og 1. nóvember.

Sveitarstjórn ætlar einnig að láta endurskoða innheimtu gjalda ýmissa stofnana m.t.t. notkunar þjónustunnar, s.s. í leikskóla, grunnskóla, tónlistarskóla og frístundar. Þetta kemur fram í fundargerð sveitarstjórnar frá því í dag.

Þá ætlar sveitarstjórn að skoða fleiri leiðir til að bregðast við ástandinu, fylgjast með aðgerðum ríkisstjórnar og því hvernig önnur sveitarfélög bregðast.