Vígsla nýbyggingar fyrir grunnskóla og tónlistarskóla Húnaþings vestra fór á fram á Hvammstanga í vikunni. Flutt voru tónlistaratriði og stutt ávörp. Guðni Th. Jóhannesson, forseti Íslands, mætti á staðinn og talaði til nemenda. Hann gaf sér svo tíma til að spjalla við þá og fengu nemendur að taka myndir af sér með honum. „Fallegur, góður og hátíðlegur dagur enda tilefnið stórt,“ segir á vefsíðu skólanna.

Sveitarstjórn færði skólunum hljóðkerfi að gjöf í tilefni dagsins og bauð upp á kaffiveitingar. Á vef skólanna kemur fram að fjölmargir nýttu sér svo opið hús í kjölfarið og skoðuðu nýju bygginguna.

Á vefsíðu skólanna má sjá myndir frá vígslunni.