Sóknarnefnd Blönduóskirkju sendir þakkir til þeirra sem styrkt hafa Orgelsjóð Blönduóskirkju á undanförnum árum með beinum fjárframlögum, miðakaupum á viðburði eða með kaupum á minningarkortum sjóðsins. Þetta kemur fram á Fésbókarsíðu Blönduóskirkju. Þá hefur sóknarnefndin einnig fengið styrki til viðburðarhalds í kirkjunni til stuðnings orgelsjóðnum.

Það var árið 2009 sem nýja pípuorgelið var vígt í Blönduóskirkju við fjölmenni en smíði þess hófst á haustmánuðum 2007. Orgelið ber ópustöluna 30 frá orgelverkstæði Björgvins Tómassonar.

Þann 15. febrúar sl. greiddi sóknarnefndin 4,5 milljónir inn á lán sem tekið var á sínum tíma vegna kaupanna á orgelinu.