Aco Pandurevic hefur verið ráðinn aðstoðarþjálfari Kormáks Hvatar fyrir komandi keppnistímabil. Aco, sem áður hefur þjálfað Kormák Hvöt, leggur nú lokahönd á UEFA A þjálfaragráðu sína og kemur fullur af eldmóði og þekkingu inn í tímabilið í 2. deild, að því er segir á aðdáendasíðu Kormáks á Facebook. Ingvi Rafn Ingvarsson er aðalþjálfari Kormáks Hvatar.  

Á aðdáendasíðunni segir: „Aco hefur þjálfað yngri flokka Hvatar á Blönduósi undanfarin ár með eftirtektarverðum árangri, auk þess sem hann hefur verið viðloðandi meistaraflokkinn bæði sem aðalþjálfari og sérlegur ráðgjafi. Það er lýðnum ljóst að ráðning Aco er lyftistöng fyrir þetta spennandi verkefni sem er framundan.

Liðið er nú á lokakskrefum undirbúnings tímabilsins og fyrsti leikur "sumarsins" fer fram í Laugardal næstu helgi, þegar við heimsækjum S.R. í bikarkeppninni.“