Kormákur Hvöt mætti í Laugardalinn í Reykjavík í gær þegar liðið spilað gegn Skautafélagi Reykjavíkur í 64-liða úrslitum Mjólkurbikarkeppninnar. Gestgjafarnir leika í 5. deild Íslandsmótsins í knattspyrnu karla en Kormákur Hvöt í 2. deild eins og alþjóð veit. Eins og við mátti búast var Kormákur Hvöt sterkari aðilinn í leiknum og urðu lokatölur 2-4 fyrir gestina.

Fyrsta mark leiksins kom á 28. mínútu en þá skoraði Kristinn Bjarni Andrason fyrir Kormák Hvöt. Aðeins tveimur mínútum síðar tvöfaldaði Artur Jan Balicki forystuna fyrir Kormák Hvöt með góðu marki. Staðan 0-2 í hálfleik. Seinni hálfleikur byrjaði eins og afrit af þeim síðari, þ.e. Kristinn Bjarni skoraði mark og tveimur mínútum síðar skoraði Artur Jan og staðan orðin 0-4. Heimamenn bitu í skjaldarrendur og skoruðu tvö mörk áður en leikurinn endaði.

Ítarlega lýsingu á leiknum má lesa á heimasíðu Kormáks Hvatar www.kormakurhvot.net.