Margir Húnvetninga muna eftir hinni vinsælu ballhljómsveit Lexíu en hún var stofnuð á Laugarbakka í Vestur-Húnavatnssýslu árið 1977 og starfaði með hléum til ársins 1993. Ã�rið 1982 kom út plata með hljómsveitinni og seldist hún í um 1.100 eintökum sem má teljast nokkuð gott þegar haft er í huga að þá var Rás 2 ekki til, aðeins gamla góða Gufan og spilun fékkst aðeins í þáttum eins og “ Frívaktin (óskalög sjómanna) Lög unga fólksins og Óskalög sjúklingaâ€�.

Nú eru öll lögin af Lexíu plötunni komin á heimasíðu hljómsveitarinnar www.lexia.blog.is. Að sögn Jóhanns Arnar hljómborðsleikara hljómsveitarinnar hafa margir ekki heyrt þessi lög í 20 ár og jafnvel þó enn leynist einn og einn vínill í gömlum plötusöfnum hér og þar, þá eigi fáir orðið plötuspilara til að spila plöturnar. Jóhann Örn segir því að það hafi verið orðið löngu tímabært að koma þessum lögum út á stafrænt form.

Annars er það helst að frétta af hljómsveitinni að nú eru hljómsveitarmeðlimir í óða önn að undirbúa sig fyrir æfingabúðir en hljómsveitin mun koma saman og spila á Húnavöku 2008 sem haldin verður 11.-13. júlí í sumar. Þar ætlar hún að spila gamla og góða Lexíuprógrammið sem sjá má m.a. á heimasíðunni. Staðsetning æfingabúðanna fékkst ekki gefin upp vegna æstra aðdáanda sem gætu truflað æfingar, en að sögn Jóhanns Arnars er ekki ólíklegt að þeir félagar skjóti óvænt upp kollinum einhverstaðar í Húnaþingi næstu helgar.

Hljómsveitin Lexía

Hljómsveitin var stofnuð eins og áður sagði á Laugarbakka í Vestur – Húnavatnssýslu 1977. Hún starfaði með hléum til ársins 1993. �rið 1982 kom út plata með hljómsveitinni og voru meðlimir hennar þá eftirfarandi:

Axel Sigurgeirsson - trommur

Björgvin Guðmundsson - gítar, raddir

Guðmundur Þór �smundsson - hljómborð, harmonika, söngur, raddir

Marinó Björnsson - bassi, gítar, raddir

Ragnar Jörundsson - söngur, raddir, ásláttur

Lög: Marinó Björnsson

Textar: Arnór Benónýsson, Ragnar Ingi Aðalsteinsson

Útsetningar, upptaka og hljóðblöndun: Lexía, Sigurður Bjóla, Gunnar Smári, G. Hjörtur Howser og Helgi Kristjánsson

Aðstoð við hljóðfæraleik og útsetningu: �rni Björnsson bassi, Helgi Kristjánsson hljóðgervill, Þórður �rnason gítar

Um vorið 1982 urðu breytingar á liðskipun sveitarinnar. Björgvin og Guðmundur Þór hættu en í þeirra stað komu Jón Sverrisson sem lék á gítar og söng. Einnig Jóhann Örn Arnarsson sem lék á hljómborð, harmoniku og raddaði. Æft var til skiptis í Félagsheimilinu �sbyrgi Laugarbakka og í Félagsheimili Blönduóss. Þegar hér var komið sögu var hljómsveitin orðin mjög þekkt á Norður og Vesturlandi og einnig á Vestfjörðum. Spilamennska óx jafnt og þétt þannig að í nokkur ár var spilað á dansleikjum tvö kvöld í viku allt árið um kring. � þessum tíma var flóttinn af landsbyggðinni ekki hafinn þannig að ef dansleikur var auglýstur þá kom fólk til að skemmta sér. Oft var boðið upp á sætaferðir og á þéttbýlisstöðum var jafnvel hægt að spila tvö kvöld í röð, föstudags og laugardagskvöld. Tvö ár í röð spilaði Lexía á Suðureyri fimmtudagskvöld, Þingeyri föstudagskvöld og á Patreksfirði laugardagskvöldið en þar var eitt stærsta félagsheimili á landinu. Þangað komu 500 manns á laugardagskvöldi. � heimleiðinni var komið við í Dölunum og leikið á dansleik sunnudagskvöldið í Tjarnarlundi. Einnig var oft spilað á Bíldudal.

Nánar má lesa um hljómsveitina Lexíu á heimasíðu sveitarinnar www.lexia.blog.is.