�stæða þess að ég hef ekki haft þann tíma, sem ég hefði óskað til að sinna þessari kosningabaráttu er sú að nú þessar vikurnar er hámarksálag og lokahnykkur við að koma upp þeirri atvinnustarfsemi sem ég hef lengi unnið að hér á Skagaströnd. Hálfur sigur er unninn í þessu stóra verkefni. Með mér er einstaklingur og sex öflug fyrirtæki á �slandi, Svíþjóð og Japan. Ég hef af veikum mætti en með mikilli þrautseigju komið þessu heim og saman með góðra manna hjálp.

Nútíma samfélag:
Nútíma samfélag er það flókið að allir málaflokkar sveitarfélagsins eru háðir hver öðrum, það þarf að líta heilstætt á málin og hafa yfirsýn. Atvinnumál hafa t.d. mikil áhrif á félagsstöðu fólks. Þau hafa líka áhrif á allt stoðkerfið og þjónustuna í sveitarfélaginu. Það sama má segja um aðra flokka svo sem fræðslumál Það mikilvægasta sem hverjum sveitarstjórnarmanni ber að hafa í huga eru skýr markmið um hvert hann vill stefna sveitarfélaginu og hvernig hann ætlar að ná þeim markmiðum. Stjórnendur sveitarfélagsins eru þeir sem eiga frumkvæðið og leiða hina eiginlegu stefnumótun.

Atvinnulífið:
Það sem einkum einkennir atvinnulífið á Skagaströnd eru miklar sveiflur. Annað hvort drýpur smjör af hverju strái eða þá að íbúarnir hrekjast í burtu.  Ã�rið 1950 voru búsettir á Skagaströnd 617 manns, nú 2014 eru þeir um 490. Skagstrendingar hafa lært að öfgar eru vondar fyrir alla.  Við höfum líka sannarlega fengið að reyna að  â€œsteinn sem liggur of lengi á sama stað drepur grasið undir sérâ€�. Stöðnun er ekki til, bara framför eða afturför. 

Atvinnumál:
Atvinnumál hér á Skagaströnd eru algeru í uppnámi, fólki fækkar stöðugt. Til að komast upp úr þeim öldudal sem við erum í duga ekki smáskammta lækningar. Að henda, handahófskennt milljón hér og tveim þar er gagnslaust. Sveitarfélagið situr á mörg hundruð milljónum sem teknar voru út úr atvinnulífinu hér á staðnum og því ber skylda til að koma þessum fjármunum aftur inn í atvinnulífið og í vinnu, fólkið á skýlausan rétt á því. Að kúra á þessum fjármunum úr atvinnulífi samfélagsins er lítilsvirðing við það fólk sem hefur þurft að hrökklast héðan í burtu.

Kæru Skagstrendingar.
Ef ég kemst til áhrifa við stjórn sveitarfélagsins mun ég beita mér af fullum krafti við endurreisn atvinnulífsins á Skagaströnd. Til að gefa hugmynd um það sem ég vil láta skoða er m.a. blanda af fiskvinnslu og fullvinnslu sjávarfangs. Ég hef reyndar látið gera skoðun á þessu, en fagleg úttekt er samt nauðsynleg. Ef fullvinnsla sjávarfangs var tímabær 1986, þegar ég flutti aftur til Skagastrandar, er hún það svo sannarlega í dag. Það er fullvissa mín að Skagaströnd geti aftur náð vopnum sínum, en þá má ekki fljóta sofandi að feigðarósi eins og nú er að gerast.

Gleðilegan sjómannadag og kveðjur til ykkar allra.

Steindór Haraldsson.

Vegna tilmæla H – listans um framboðsfund.

Við þökkum þetta tilboð, en munum ekki taka því. Við höfum skipulagt kynningu á framboði okkar með öðrum hætti. Við munum halda okkur við það skipulag.

Með virðingu,

Steindór Haraldsson