� þriðjudagskvöldið sat ég fund þar sem verkefnisstjóri ferðamála í Austur-Húnavatnssýslu, Guðmundur �gúst Pétursson og Þorsteinn Ingi Sigfússon forstjóri Nýsköpunarmiðstöðvar �slands héldu báðir afar fróðleg erindi sem voru gott innlegg í þá samfélagsumræðu sem jafnan er undanfari kosninga. Þorsteinn kynnti verkefni sem hann ásamt bæjarstjóra og bæjarstjórn hafa verið að vinna um bíódísel verksmiðju sem verið er að skoða grundvöll fyrir á Blönduósi. Þar sem ég þekki nokkuð vel til landbúnaðar- og afurðastöðvamála á svæðinu, tel ég þetta mjög jákvætt framtak og verðugt að nýta betur það sem fyrir fáum árum var talið úrgangur en er nú kallað aukaafurðir. Ég vil þó skoða þessa möguleika í enn víðara samhengi og á ég þar við enn meiri vinnslu á sláturúrgangi/aukaafurðum enda liggur fyrir að ekki verður heimilt að urða slíkt til langs tíma. � þessum málum höfum við íbúar Norðurlands vestra tækifæri til að veita forystu með okkar þrjú stóru sláturhús með stuttu millibili. Þarna eru miklir möguleikar sem geta bæði skapað störf og orðið okkur til hróss í umhverfismálum.

Mér eru umhverfismál nokkuð hugleikin og vil ég taka þátt í því á næstu árum að koma Blönduósbæ enn framar í þeim málaflokki en nú er. Þar hefur nú þegar verið unnið mjög gott starf, en ég tel hægt að gera enn betur í að auka umhverfisvitund íbúanna. Meðal stefnumála L-listans er að endurvinnslutunnan verði gjaldfrjáls á þau heimili það vilja á næsta kjörtímabili, sem vonandi hvetur íbúa til enn meiri flokkunar sorps. Þjóðfélagið okkar er knúið af gríðarlegri neyslu og hygg ég að flestir sem komir eru á kosningaaldur geti hugsað til baka og séð hvað þetta hefur aukist á fáum árum og áratugum. Við verðum að gera enn betur í að endurnýta verðmæti sem allt of auðvelt er að setja bara í ruslatunnuna. Við getum vel, ef við vilji er fyrir hendi, aukið áherslu á þessi mál í leik- og grunnskólum og hvatt til meiri umhverfisvitundar í fyrirtækjum sveitarfélagsins og inni á heimilunum.

Aukin tækifæri eru fyrir bændur að skapa afurðum sínum sérstöðu með því að selja beint frá býli og koma mat úr héraði inn í ferðaþjónustu á svæðinu. Ég vil sjá á næstu árum að bændur á svæðinu komi sér í auknum mæli upp aðstöðu til vinnslu slíkra afurða. Slíkt getur ekki annað en orðið svæðinu í heild til framdráttar. Sóknarfærin eru víða, þjóðvegurinn færir marga í gegnum sveitarfélagið okkar en við þurfum að finna fleiri leiðir til að fá fólk til að stoppa við og njóta þess sem við höfum upp á að bjóða. � hugmyndasmiðjunni sem í gangi var hér í vetur, og G. �gúst kynnti á fundinum á þriðjudagskvöldið, komu fram margar frábærar hugmyndir í ferðaþjónustu. Eitt af því var útimarkaður við Laxasetrið sem er frábært framtak og mun án efa tefja margan ferðamanninn í sumar. Þarna er kominn vettvangur fyrir þá sem á svæðinu búa til að kynna sínar afurðir og vonandi verður þetta til þess að efla slíka framleiðslu í héraðinu öllu og samstöðu íbúanna.

Anna Margrét Jónsdóttir, Sölvabakka, skipar 3. sæti L-listans.