Veðurstofan hefur breytt gulri veðurviðvörun fyrir Norðurland í appelsínugula. Fyrir Norðurland vestra verður appelsínugul veðurviðvörun í gildi klukkan 19 á morgun mánudag og til miðnættis þriðjudagsins 4. júní. Spáð er hríðarveðri, norðvestan 13-20 m/s með rigningu eða slyddu nærri sjávarmáli en annars snjókomu. Hvassast og úrkomumest verður austantil á svæðinu. Lausamunir geta fokið og ferðalög geta verið varasöm, sérílagi fyrir ökutæki sem eru viðkvæm fyrir vindi.

Halla Tómasdóttir sigraði í forsetakosningunum í gær og verður sjöundi forseti �slands. Hún tekur við embætti af Guðna Th. Jóhannessyni 1. ágúst næstkomandi. Kjörsókn var 78,8% og hefur ekki verið meiri í forsetakosningum síðan 1996. Halla hlaut 34,3% atkvæða og hafði öruggan sigur á Katrínu Jakobsdóttur sem hlaut 25,2%.

Laugardagskvöldið 29. júní næstkomandi verða tónleikar í Sýslumannshúsinu að Kornsá. Hljómsveitin Ungfrúin Góða og Búsið býður til veislu. Húsið er öllum opið og það verða léttir drykkir í boði. Fluttur verður kraftmikill og rokkaður blús í Langakjallara, hinum forna samkomusal Vatnsdælinga. Tónleikarnir hefjast stundvíslega klukkan 20. Engin aðgangseyrir. Húsið verður jafnframt opið til skoðunar fyrir þá sem hafa áhuga.

Veðurstofan hefur gefið út gula veðurviðvörun fyrir landið sem tekur gildi síðdegis á mánudaginn og gildir fram til miðnættis á miðvikudaginn. Búist er við að djúp lægð taki sér stöðu fyrir austan land síðdegis á mánudag og henni fylgir norðan og norðaustan hvassviðri eða stormur, 15-23 m/s víða um land. Með kaldri norðanáttinni fylgir talsverð úrkoma á Norður- og Austurlandi. Almannavarnir á Norðurlandi vestra hafa sent frá sér tilkynningu vegna þessa og eru bændur hvattir til að huga að bústofni sínum og koma honum í skjól.

Laugardaginn 8. júní nk., kl. 14.00 opnar �rsæll Aðalsteinn �rnason fyrstu ljósmyndasýningu sína í Listakoti Dóru, Vatnsdalshólum í Vatnsdal í Húnavatnssýslu. Sýningin verður opin í mánuð, til og með föstudagsins 5. júlí nk., alla daga nema mánudaga frá kl. 13.00 til kl. 18.00. �rsæll Aðalsteinn fékk góða myndavél í fermingargjöf og hefur verið stundað ljósmyndun síðan þá, eða í um 8 ár. Ljósmyndarinn er ungur að árum, fæddur árið 2003. Hann lauk námi frá ljósmyndabraut Tækniskólans í desember 2022 og tók þátt í útskriftarsýningu nemenda og gerð ljósmyndabókar.

Kormákur Hvöt heimsótti Hött/Huginn í Fellabæ í dag þegar leikið var í 5. umferð �slandsmótsins í knattspyrnu karla 2. deild. Eftir ellefu mínútna leik náðu heima menn forystu en Papa Diounkou Tecagne náði að jafna leikinn fyrir Kormák Hvöt áður en flautað var til hálfleiks. Leikurinn var í járnum allt þar til Acai Nauset Elvira Rodriguez skoraði sjálfsmark sem kom Hött/Huginn í forystu. Heimamenn gulltryggðu svo sigur sinn með marki í uppbótartíma, lokatölur 3-1.

� dag kjósa landsmenn sér nýjan forseta. Alls eru 12 í framboði. � Húnabyggð verður kosið í �þróttamiðstöðinni á Blönduósi - Norðursal og gengið inn frá Melabraut. Kjörfundur hefst klukkan 9 og lýkur eigi síðar en klukkan 22. � Skagaströnd verður kosið í Höfðaskóla og hefst kjörfundur klukkan 9 og lýkur klukkan 20. Kjörstaður í Húnaþingi vestra verður í Félagsheimilinu Hvammstanga. Kjörfundur hefst klukkan 9 og lýkur klukkan 22. � Skagabyggð er kosið í Skagabúð og hefst kjörfundur klukkan 12 en stefnt er að því að honum ljúki klukkan 17.

Ã�slandspóstur gerir breytingar á afgreiðsluneti sínu á morgun 1. júní. Felast þær aðallega í því að afgreiðslustöðum, gömlum pósthúsum, verður fækkað en afgreiðsla í póstbox og með bifreið verður aukin. Pósthúsin sem um ræðir eru á Hvammstanga, Siglufirði, Dalvík, Ỏlafsfirði, Búðardal, Grundarfirði, Fáskrúðsfirði, Eskifirði, Breiðdalsvík og Neskaupstað.

Nýja fuglaskoðunarhúsið á Spákonufellshöfða á Skagaströnd fékk nafnið Kristall en það var formlega opnað í gær. Sveitarfélagið stóð fyrir nafnasamkeppni fyrr á árinu og bárust 48 tillögur í keppnina. Sveitarstjórn tók ákvörðun um nafngiftina, sem var svo opinberuð í gær. Síðastliðið haust hófst smíði við fuglaskoðunarhúsið eftir langan aðdraganda en húsið er hannað af Auði Hreiðarsdóttur arkitekt hjá ESJA Architecture.

�ætlað er að framkvæmdir við flugvöllinn á Blönduósi hefjist í sumar en að sögn Matthíasar Imsland, stjórnarformanns innanlandsflugvalla ISAVIA, er gert ráð fyrir að klæðning verðir lögð á flugbrautina og er nú verið að leita verða í klæðninguna. Unnið hefur verið að því í töluverðan tíma að fá verkefni í samgönguáætlun og að fjármagna það en stuðningurinn sem verið hefur við verkefnið er fagnaðarefni. Matthías segir að flugvallarkerfið sé mikilvægur hlekkur í allri uppbyggingu á innviðakerfi landsins og virkilega mikilvægt skref sem núna sé verið að stíga að klæða flugbrautina.

Skynið fyllir vitund er heiti sérsýningar Heimilisiðnaðarsafnsins sem opnuð verður 1. júní næstkomandi klukkan 15:00. Sýningin er unnin af Björgu Eiríksdóttur og á henni eru útsaums-, vídeó- og málverk. Eftir opnun verður boðið upp á kaffi og kleinur að hætti safnsins. Eins og venja er til verður Heimilisiðnaðarsafnið opið alla daga frá 1. júní til 31. ágúst og á öðrum tímum eftir samkomulagi.

Nemendur í Húnaskóla vilja fá skólahreystisvöll á skólalóðina og hafa sent íþrótta-, tómustunda- og lýðheilsunefnd Húnabyggðar erindi þess efnis. Vilja þeir að skólinn verði meira heilsueflandi skóli í heilsueflandi samfélagi og að markmið sé að nemendur hreyfi sig meira. Nefndin ræddi erindið á fundi sínum í fyrradag og fagnar hún framtaki nemenda. Vísaði hún erindinu til fjárhagsáætlunargerðar vegna ársins 2025 og fól menningar-, íþrótta- og tómstundafulltrúa Húnabyggðar að kanna með mögulegar styrkveitingar til verkefnisins.

Leikfélag Blönduóss stendur fyrir leiklistarsmiðju 6. júní nk. í Félagsheimilinu á Blönduósi. Leiðbeinandi er Sigurður Líndal Þórisson. � þessu námskeiði verður Laban-tæknin kynnt. Þetta er tækni sem ungverski dansarinn Rudolf Laban fann upp, og var fyrst notuð við dansiökun, en síðan yfirfærð á leiklist líka. Tæknin er verkfæri til að flokka og skilgreina hreyfingar og nota þær sem leið til persónutúlkunar og góðrar textameðferðar. Skemmtileg og óvanleg nálgun!

Sjómannadagurinn verður haldinn hátíðlegur á Hvammstanga sunnudaginn 2. júní. Sjómannadagsmessa fer fram á Bangsatúni klukkan 13. Sr. Edda Hlíf Hlífarsdóttir þjónar og kirkjukór Hvammstangakirkju leiðir sálmasöng undir stjórn Pálínu Fanneyjar Skúladóttur. Blómsveigur verður lagður að minnismerki um drukknaða sjómenn í lok messu. Sjómannadagskaffi verður svo í VSP húsinu klukkan 14-17. Þar verður í boði veislukaffi, hlaðborð með fjölbreyttu meðlæti á 2.000 krónur og frítt fyrir 12 ára og yngri. Enginn posi verður á staðnum.