Lesendur Húnahornsins hafa valið Brynhildi Erlu Jakobsdóttur, íþróttafræðing og íþróttakennara við Blönduskóla, sem mann ársins í Austur-Húnavatnssýslu árið 2014 fyrir að stuðla að bættri heilsu Austur-Húnvetninga. Tilkynnt var um valið á þorrablóti Vökukvenna sem haldið var í Félagsheimilinu á Blönduósi í gærkvöldi. Brynhildur Erla, eða Erla eins og hún er oftast kölluð, tók þar við viðurkenningarskildi frá fulltrúa Húnahornsins þessu til staðfestingar. Góð þátttaka var í valinu.

Erla hefur á síðasta ári komið mörgum Húnvetningnum til betri heilsu, á einstaklega góðan og nærgætinn hátti með sínum vinsælu Metabolic námskeiðum. Hún hefur haft mikil áhrif á að Húnvetningar séu meðvitaðri um mikilvægi hreyfingar og heilbrigðs lífernis.

Erla er 35 ára Blönduósingur. Hún útskrifaðist sem íþróttafræðingur árið 2005 og sem �AK einkaþjálfari árið 2013. Erla starfar sem íþróttakennari við Blönduskóla auk þess að sinna hóptímaþjálfun og íþróttaskóla fyrir börn.

Þetta er í tíunda sinn sem lesendur Húnahornsins velja manni ársins í Austur-Húnavatnssýslu.

Menn ársins síðustu ár eru þessir:

2014: Brynhildur Erla Jakobsdóttir
2013: Elín Ósk Gísladóttir
2012: Kári Kárason og Pétur Arnar Kárason
2011: Einar Óli Fossdal.
2010: Bóthildur Halldórsdóttir.
2009: Bóthildur Halldórsdóttir.
2008: Lárus Ægir Guðmundsson.
2007: Rúnar Þór Njálsson.
2006: Lárus B. Jónsson.
2005: Lárus B. Jónsson.

Húnahornið óskar Erlu innilega til hamingju með útnefninguna.