� selatalningunni miklu sem fram fór 19. júlí síðastliðinn á vegum Selaseturs �slands á Hvammstanga voru 446 selir taldir á strandlengjunni á Vatnsnesi og Heggstaðanesi í Vestur-Húnavatnssýslu. Þetta er minnsti fjöldi sem talinn hefur verið á þessu svæði frá því talning hófst árið 2007 eða í níu ár. Um 50 manns tóku þátt í talningunni á sunnudaginn sem er metþátttaka.

Markmið talningarinnar er að fylgjast með fjölda og staðsetningu landsela á Vatnsnesi og Heggstaðanesi, ásamt því að gefa almenningi tækifæri á að kynnast og taka þátt í rannsóknarstarfsemi Selaseturs �slands.

Selir voru taldir á allri strandlengjunni á Vatnsnesi og Heggstaðanesi  í Húnaþingi vestra, samtals um 100 kílómetra. Ã� tilkynningu frá Selasetrinu segir að sjálfboðaliðar hafi aðstoðað sérfræðinga Selasetursins við talninguna.  Með því móti gefist færi á að kanna stórt svæði á mjög stuttum tíma.

Ã� ár tóku um 50 manns þátt í talningunni, sem er metþátttaka og voru það bæði erlendir og íslenskir ferðamenn á leið um landið. Sumir landeigendur töldu sjálfir í sínu landi og  selaskoðunarbáturinn Brimill sem gerir út frá Hvammstanga, aðstoðaði einnig við talninguna.

� ár sáust samtals 446 selir á svæðinu, aðallega landselir. � tilkynningu frá Selasetrinu segir að það sé minnsti fjöldi sem talinn hafi verið á þessu svæði, en í talningunum árin 2011-2014 hafi fjöldinn verið á bilinu 614 og 757 dýr og árin þar á undan (2007-2010) yfir 1.000 dýr. Þrátt fyrir að tölurnar gefi vísbendingu um fækkun sé mikilvægt að hafa í huga að talningarnar eru aðeins vísbending um lágmarksfjölda þeirra sela sem dvelja á þessu svæði. Margir þættir hafi áhrif á fjölda sela sem liggi uppi í látrunum hverju sinni og er veður einn þeirra. � ár var veðrið verra en oft áður, þoka, rigning og gola og hitastigið aðeins rúmlega 6 gráður. Skilyrðin fyrir selinn að liggja upp á landi voru því sem verst þegar talningin fór fram, því þeir kjósa helst að liggja upp á landi í sólskini, logni og blíðu, að því er segir í tilkynningunni.

Þá segir einnig í tilkynningu Selasetursins að athuga beri að tölurnar segi ekki til um ástand landsselsstofnsins í heild. Stofnstærðarmat á landsel hafi ekki farið fram síðan árið 2011, en þá hafi stofninn verið metin til um 12.000 dýr. �rið 2014 hafi hluti stofnsins verið talin og bendi þær talningar til töluverðar fækkunar á stofninn. Ekki hafi fengist nægilegt fjármagn til að framkvæma heildartalningu á stofninum, en Selasetrið vonist til að geta framkvæmt slíkar talningar á næsta ári.