Apríl 2024 | ||||||
S | M | Þ | M | F | L | |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Fyrri | Núna | Næsti |
Holtavörðuh. | 13:35 | 0 | 0°C |
Laxárdalsh. | 13:35 | 0 | 0°C |
Vatnsskarð | 13:35 | 0 | 0°C |
Þverárfjall | 13:35 | 0 | 0°C |
Kjalarnes | 13:35 | 0 | 0°C |
Hafnarfjall | 13:35 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Níræður karlakórinn Húnvetninga hefur bætt fjöður í hatt sinn á síðustu dögum. Síðasta laugardag í febrúar söng hann yfir Runólfi frá Hvammi, góðum félaga og fyrrum formanni kórsins. Athöfnin hófst með söng kórsins á fimm uppáhaldslögum Runólfs en alls söng kórinn 13 lög við útförina sem var í Blönduóskirkju á björtum og sólríkum degi. Viku síðar, fyrsta laugardag í mars hélt kórinn 3 söngskemmtanir syðra, vel heppnaðar með hljómsveit heiman úr héraði, 2 söngkonum, 2 flautuleikurum og trompetleik Skarphéðins skólastjóra á Blönduósi. Vísnamál voru uppi höfð og sönggleði sat í öndvegi. Organistinn og Fljótamaðurinn, Rögnvaldur Valbergsson, á góðan þátt í gengi kórsins síðustu árin með útsetningum á dægurlögum sem kórinn flytur síðan með söngkonum og hljómsveit.
Afi útsetjarans, Hannes á Melbreið, setti saman hringhendu:
Stormur þýtur, stynur grund
stráin brýtur niður.
Enginn lítur unaðsstund
allur þrýtur friður. HH
Önnur hringhenda og sjóferðavísa er kennd Þingeyrabóndanum, Jóni Ásgeirssyni:
Ei mig hræðir aldan stinn
oft sem næði brýtur,
því í hæðum hugurinn
hafnir gæða lítur. JÁ
Hákarlaskipið Ófeigur er varðveitt í Byggðasafninu á Reykjum og sameiginlegt er það Fljótum og Norður-Ströndum að þaðan var sótt í hákarlaveiðar. Kristján Ívarsson orti vísur um hákarlaformennina sem réru frá Gjögri, í seinni vísunni lýsir hann eigin formennsku:
Sönglar tog en svignar rá
sviðum bogar kólgan á,
ginnarsloga gautar þá
Gjögursvogum sigla frá.
Gaufar tvistur sels um svið,
sjaldan fyrstur út á mið,
hrottabyrstur hlyni við,
heitir Kristján, manntetrið. KÍ
Fyrir hundrað árum var gefið út íslenskt söngvasafn, en þessa atburðar er nú minnst með þáttaröð í útvarpinu í umsjón Unu Margrétar Jónsdóttur. Sum þessara laga eru enn sungin og fyrsti formaður karlakórsins, Tryggvi í Tungu, átti þar sitt uppáhaldslag: Lífsgleði njóttu við texta Steingríms Thorsteinssonar.
Vísað er til:
Karlakór Bólstaðarhlíðarhrepps:https://www.facebook.com/karlakorbolstadarhlidarhrepps/
Til hvers karlakór: http://stikill.123.is/blog/2016/02/25/744889/
Sjötta febrúar 1948 fór karlakórinn vestur yfir Blöndu, að Svínavatnskirkju til að syngja yfir Önnu á Ásum, sjá dagbók Jónasar Tryggvasonar:http://stikill.123.is/blog/2008/11/30/324438/
Hannes á Melbreið í Fljótum: http://bragi.info/hunafloi/visur.php?VID=9111
Sjóferðavísa Jóns á Þingeyrum: http://bragi.info/hunafloi/visur.php?VID=26054
Kristján Ívarsson: http://bragi.info/hunafloi/hofundur.php?ID=17557
Fjárlögin, níundi og síðasti þáttur var fluttur á sunnudagsmorgni 6. mars s.l. http://www.ruv.is/nyjast/hin-einu-sonnu-fjarlog
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |