Komið hefur fyrir að aðeins einn lögreglumaður er starfandi á Norðurlandi vestra en svæðið nær frá miðri Holtavörðuheiði og upp á miðja Öxnadalsheiði. Ekki er til fjármagn til að kalla út lögreglumenn á aukavaktir þegar um forföll er að ræð. Þetta kom fram á fundi byggðarráðs Húnaþings vestra með lögreglustjóra Norðurlands vestra en gögn um vaktafyrirkomulag lögreglunnar voru lögð voru fram á fundi byggðarráðs á mánudaginn.

Samkvæmt vaktafyrirkomulaginu eru fjórir lögreglumenn á annarri lögreglustöðinni og þrír á hinni, á tveimur vöktum. Það eru því sjö lögreglumenn að vinna hvern dag þegar fullmannað er. Þá kemur fram að unnið sé að þjálfun starfsmanna, s.s. skot- og valdbeitingaþjálfun, á venjubundnum vöktum starfsmanna sem geri viðbragðstíma lengri en annars. Aðalstöð lögreglustjóra er á Sauðárkróki og lögreglustöð er á Blönduósi. Engin mönnuð lögreglustöð er í Húnaþingi vestra.

Byggðarráð Húnaþings vestra hefur einnig óskað eftir gögnum frá lögreglunni um samskipti við Neyðarlínuna 112 þann 24. ágúst síðastliðinn, daginn sem bíll fór í höfnina á Hvammstanga og áhættumat sem gert hefur verið fyrir svæðið. Þau gögn hafa ekki ennþá borist byggðarráði.

Þá hefur byggðarráð Ã³skað eftir fundi með innanríkisráðherra til að ræða löggæslumál í Húnaþingi vestra og mun sá fundur fara fram 21. september næstkomandi.

Tengdar fréttir:

Vill mannaða lögreglustöð á Hvammstanga

�hyggjur af stjórn löggæslumála

Banaslys í höfninni á Hvammstanga