Á haustþingi Samtaka sveitarfélaga á Norðurlandi vestra sem haldið var á Blönduósi 19. október síðastliðinn var skipuð samgöngu- og innviðanefnd. Hlutverk hennar er að vinna að upplýsingaöflum vegna samgönguáætlunar SSNV með starfsmönnum samtakanna. Nefndin er skipuð einu fulltrúa frá hverju sveitarfélagi í landshlutanum. Framkvæmdastjóri SSNV mun starfa með nefndinni og aðrir starfsmenn samtakanna eftir atvikum.

Á vef SSNV segir að ítarleg upplýsingaöflun og greining á þáttum er varða samgöngu- og innviðamál sé grundvöllur þess að setja megi saman raunhæfar áætlanir um uppbyggingu samgöngumannvirkja og annarra innviða í landshlutanum.

Eftirtaldir aðilar eru í samgöngu- og innviðanefnd SSNV:

Aðalmenn:                                        Til vara:
Indriði Þór Einarsson                          Sveinn Úlfarsson, Skagafirði.
Magnús Magnússon                            Guðný Hrund Karlsdóttir, Húnaþ. vestra
Alexandra Jóhannesdóttir                    Halldór G. Ólafsson, Svf. Skagaströnd
Guðmundur Haukur Jakobsson            Rannveig Lena Gísladóttir, Blönduós.
Drífa Árnadóttir                                 Eyþór Einarsson, Akrahreppur
Einar K. Jónsson                                Þorleifur Ingvarsson, Húnavatnshreppur
Dagný Rósa Úlfarsdóttir                              Magnús Björnsson, Skagabyggð