Áætlaður kostnaður við endurbætur á Blönduósflugvelli, svo hann uppfylli kröfur um lágmarksbúnað er á bilinu 5-7 milljónir króna. Það helsta sem þarf að gera er að setja upp GPS aðflugsbúnað/stýringu og endurnýja eða stilla svokölluð PAPI-brautarljós, til að auðvelda aðflug og lendingu á vellinum. Byggðaráð Blönduósbæjar ítrekaði á fundi sínum í síðustu viku mikilvægi flugvallarins og skoraði á samgöngu- og sveitarstjórnarráðuneytið að veita í verkefnið sjö milljónum króna til að unnt verði að uppfylla kröfur um lágmarksbúnað sem allra fyrst.