Endurmenntun Landbúnaðarháskóli Íslands, í samstarfi við Sauðfjárræktarfélag Vatnsnesinga, heldur námskeiðið „Fóðrun og fóðurþarfir sauðfjár“ miðvikudaginn 18. mars næstkomandi frá klukkan 11-17 í félagsheimilinu Hamarsbúð á Vatnsnesi. Námskeiðið er sérstaklega ætlað sauðfjárbændum og þeim sem tengjast sauðfjárrækt en er einnig opið öðrum. Farið verður yfir helstu atriði varðandi fóðurþarfir og fóðrun sauðfjár á mismunandi tímabilum og aldursskeiðum.

Horft er á árið í heild, bæði beit og innifóðrun, og farið yfir möguleg viðbrögð/fyrirbyggjandi aðgerðir vegna áhrifa breytilegs árferðis á heyskap og beit. Stuðst verður jöfnum höndum við nýjustu rannsóknaniðurstöður og sígildari fróðleik. Kennsla: Jóhannes Sveinbjörnsson dósent við Landbúnaðarháskóla Íslands Verð á námskeiðið er kr. 28.000. Skráning er hér.

Námskeið um endurheimt staðargróðurs á framkvæmdasvæðum og ferðamannastöðum
Þá heldur Endurmenntun Landbúnaðarháskóla Íslands námskeiðið „Endurheimt staðargróðurs á framkvæmdasvæðum og ferðamannastöðum“ þriðjudaginn 17. mars næstkomandi klukkan 10-16 hjá Símey, Þórsstíg 4 á Akureyri. Námskeiðið er ætlað þeim sem koma að hönnun, framkvæmd og skipulagningu hverskonar framkvæmda sem raska gróðri og jarðvegi.

Námskeiðið nýtist vel fulltrúum sveitarfélaga, landeigendum, verktökum, hönnuðum, aðilum í ferðaþjónustu og áhugamannafélögum. Kennsla byggist á fyrirlestrum, umræðum og örverkefnum. Kennsla: Ása L. Aradóttir prófessor við LbhÍ, Haukur Jónsson deildarstjóri hjá Vegagerðinni, Magnea Magnúsdóttir umhverfis- og landgræðslustjóri Orku náttúrunnar og Rúnar Jónsson vegtæknir hjá Vegagerðinni.

Skráning og nánari upplýsingar um námskeiðið er hér.