Ný stjórn Markaðsstofu Norðurlands var kosin á aðalfundi, sem haldinn var 26. maí síðastliðinn. Hana skipa þau Viggó Jónsson frá Drangeyjarferðum, sem er formaður stjórnar, Örn Arnarson, eigandi Hótel Laugarbakka, Heba Finnsdóttir, eigandi veitingastaðanna Bryggjunnar og Striksins, Sigrún Hulda Sigmundsdóttir, hótelstjóri Icelandair hótel Akureyri og Edda Hrund Guðmundsdóttir hótelstjóri Hótel Laxár. Varamenn eru Þórdís Bjarnadóttir frá Höldi og Tómas Árdal frá Arctic Hotels.

Úr stjórn fóru Baldvin Esra Einarsson frá Saga Travel sem gegndi formennsku, Arngrímur Arnarson frá Norðursiglingu,og Sigurður Líndal Þórisson frá Selasetrinu á Hvammstanga.

Á meðfylgjandi mynd má sjá nýja stjórn sem kom saman í fyrsta skipti í dag, en þeir Örn Arnarson og Tómas Árdal sátu fundinn í gegnum fjarfundarbúnað. Frá vinstri; Heba Finnsdóttir, Edda Hrund Guðmundsdóttir, Viggó Jónsson, Álfhildur Leifsdóttir, Sigrún Hulda Sigmundsdóttir og Þórdís Bjarnadóttir.