Nes listamiðstöð á Skagaströnd og Selasetur Íslands á Hvammstanga fengu nýlega styrki úr Loftlagssjóði. Þetta er í fyrsta sinn sem úthlutað er úr sjóðum en umsóknarfrestur var þann 30. janúar síðastliðinn. Sjóðurinn heyrir undir umhverfis- og auðlindaráðherra. Hlutverk hans er að styðja við nýsköpunarverkefni á sviði loftslagsmála og verkefni sem lúta að kynningu og fræðslu um áhrif loftslagsbreytinga.

Alls bárust 203 gildar umsóknir í Loftslagssjóð og voru 32 þeirra styrktar eða um 16% umsókna. Sótt var alls um 1,3 milljarða og veitt alls um 165 miljónir eða um 13%. Alls voru 10 nýsköpunarverkefni styrkt og 22 kynningar- og fræðsluverkefni, sjá nánar hér.

Nes listamiðstöð fékk kr. 4.845.483 styrk fyrir verkefnið Rekaviður og Selasetur Íslands fékk kr. 5.000.000 fyrir verkefnið Youth for Arctic Nature.