Sumaræfingar Ungmennafélagsins Fram á Skagaströnd byrja á morgun, 8. júní. Sumarið verður lotuskipt fyrir yngsta hópinn með nokkrum skemmtilegum námskeiðum og svo verða reglulegar æfingar fyrir eldri hópana. Á Facebook síðu Fram verður hægt að sjá upplýsingar ef breytingar verða á dagskrá og ýmislegt fleira. Sumarstarfinu lýkur 21. ágúst og þá er stefnt á grillpartý.

Þjálfarar verða Sigrún Líndal, Finnbogi Guðmundsson, Ingimar Vignisson, Inga Jóna Sveinsdóttir, Jón Ólafur Sigurjónsson og Valtýr Sigurðsson ásamt fleirum.

Hreyfing og samvera er mikilvæg börnum og þau búa að henni alla ævi. Stór hluti af því að fá börn til að taka þátt er að foreldrar hvetji þau til þess.

Æfinga tafla sumarsins er hér.

Dagskrá sumarsins klukkan 10-12:

8.-10 júní. Útileikir og fjör. Inga Jóna Sveinsdóttir - 867-8675. Fellsborg.
15.-18. júní. Golfnámskeið. Finnbogi Guðmundsson - 862-4395. Háagerðisvöllur.
22.-25. júní. Frjálsíþróttanámskeið. Sigrún Líndal - 897-2884. Fellsborg.
29. júní - 2. júlí. Veiði og útivist. Baldur Magnússon - 846-7648. Fellsborg.
6.-9. júlí. Skátanámskeið. Björgunarsveitin Strönd - 893-6642. Bjarnabúð.
13.-16. júlí. Kofasmíði. Ingimar Vignisson og Jenný Lind - 868-4983. Fellsborg.
22.-25. júlí. Útivist og ganga. Jón Ólafur Sigurjónsson - 868-2842. Fellsborg.
24. júlí - 9. ágúst. Sumarfrí á öllum æfingum og námskeiðum.
10.-13. ágúst. Leikjanámskeið – Fellsborg.
17.-20. ágúst. Körfubolti. Valtýr Sigurðsson - 846-5996. Íþróttahús Skagastrandar.
21. ágúst. Lokahóf ef veður leyfir. Nánar auglýst síðar.

Eðalhestar (Maggi Lín og Halla) stefna á að vera með reiðnámskeið á Skagaströnd frá 4.-14. ágúst. Það verður auglýst nánar síðar.