Hátíðarhöld í Blönduósbæ í tilefni þjóðhátíðardagsins 17. júní verða með breyttu sniði í ár vegna aðstæðna sem allir ættu að þekkja. Bæjarbúar eru hvattir til að halda upp á daginn með vinum og fjölskyldu, halda sína eigin þjóðhátíð, grilla, syngja og dansa. Þá verður hægt að skella sér í sund þar sem sundlaugin verður opin frá klukkan átta að morgni og til níu um kvöldið. Frítt verður í sund í tilefni dagsins og þess að sundlaugin á tíu ára afmæli 16. júní.

Athygli er vakin á því að morgunathöfn verður í beinni útsendingu í Ríkissjónvarpinu þar sem fram fer meðal annars ávarp forsætisráðherra og fjallkonan flytur ljóð.