Í sumar stendur Handbendi Brúðuleikhús fyrir Sumarleikhúsi æskunnar í Húnaþingi vestra en þetta þriggja vikna verkefni er opið öllum börnum og ungmennum á aldrinum 7-18 ára. Sumarleikhúsið stendur yfir frá 27. júlí - 14. ágúst, er leikhús- og leiklistarsmiðja, og fer fram fjórum sinnum í viku.

Þátttakendur vinna allir saman ákveðin verkefni, en mestmegnis með þeim sem eru á svipuðum aldri að uppsetningu leikverka. Sýningarnar munu hver fyrir sig henta aldurshópnum sem þær flytur og sinna þörfum, áhuga og styrkleikum hvers hóps fyrir sig.

Á meðan að á verkefninu stendur læra þátttakendur um leikhús, kynna sér mismunandi leikhústækni, og setja upp sýningar sem sýndar verða almenningi við lok verkefnisins. Fagmenntað fólk mun vinna með þátttakendum að listsköpuninni.

Sýnt verður á endurbættu sviði Félagsheimilis Hvammstanga en þar er nú kominn upp nýr og góður tæknibúnaður. Fagmanneskja í leikhúshljóði og -ljósi aðstoðar þátttakendur við sýningarnar og mun kynna hverja þá sem áhuga kunna að hafa fyrir grunnatriðum ljós- og hljóðhönnunar, ásamt almennri nálgun á tækniatriði leikhússins.

Hver tími verður 2 klukkustunda langur, að pásum meðtöldum.

Þáttökugjald er 35.000 krónur í heild og allur kostnaður við sýninguna er þar innifalinn.​

Skráning er nú hafin hér.

Sjá nánar á www.sumarleikhus.com.