Ellefu fótboltastelpur frá Kormáki á Hvammstanga, Hvöt á Blönduósi og Fram á Skagaströnd héldu til Vestmannaeyja til að taka þátt á TM mótinu sem fram fór dagana 11.-13. júní en mótið er fyrir stelpur í 5. flokki. Þær æfa fótbolta á sínu heimasvæði en hittast svo af og til og taka æfingu saman. Mótið er stærsta mót sumarsins fyrir stelpur í 5. flokki og var þetta fjölmennasta mót frá upphafi, um 100 lið tóku þátt.

Þær byrjuðu mótið á að spila í 10. riðli af 25 riðlum og enduðu að lokum í 3. riðill á lokadegi mótsins sem er frábær árangur. Stelpurnar töpuðu ekki leik í riðlakeppninni og spiluðu að lokum úrslitaleik og má segja að sá leikur hafi verið blóð, sviti og tár og endaði 1-0 fyrir Kormáki/Hvöt/Fram. Þær komu því heim með Huginsbikarinn.

Þær vilja þakka öllum þeim, sem styrktu þær fyrir mótið, innilega fyrir stuðninginn.