Miðfjarðará er aflahæst laxveiðiáa í Húnavatnssýslum með 337 laxa samkvæmt nýjum tölum frá Landssambandi veiðifélaga sem birtar eru á vefnum angling.is. Laxá á Ásum og Blanda koma þar á eftir með 188 og 187 laxa. Veiðst hafa 112 laxar í Víðidalsá og 91 lax í Vatnsdalsá. Hrútafjarðará er með 46 laxa og Svartá 10 laxa. Laxveiðin er frekar dræm en þó heldur skárri en í fyrra.

Af 75 aflahæstu ám landsins er Eystri-Rangá í efsta sæti með 1572 laxa. Urriðafoss í Þjórsá er í öðru sæti með 633 laxa og Ytri-Ranga í því þriðja með 575 laxa. Miðfjarðará er í sjötta sæti yfir aflahæstu ár landsins.