Haldið verður rathlaupanámskeið við Húnaskóla sunnudaginn 19. maí næstkomandi klukkan 14-18. Námskeiðið er í boði Húnabyggðar og Rathlaupafélagsins Heklu. Kennsla fer fram að mestu leiti fram utandyra svo mikilvægt að klæða sig eftir veðri. Leiðbeinendur eru rathlaupararnir Gísli Örn Bragason og Ólafur Páll Jónsson.

Rathlaup er hlaupaíþrótt sem stunduð er á opnum svæðum bæði innan borgarmarka og utan. Íþróttin er þannig lík víðavangshlaupi. Þátttakendur fá kort (oftast sérstakt rathlaupskort) af hlaupasvæðinu og eiga með aðstoð þess að fara á milli stöðva sem merktar eru á kortið. Hver og einn hleypur eða gengur á sínum hraða svo þetta er tilvalin íþrótt fyrir alla aldurshópa.

Kennt verður að lesa rathlaupakort, kortatákn kynnt, rötunaræfingar, sett verður upp svokallað völundarhús og stutt hlaupa/göngubraut í nágrenni skólans. Einnig verður sett upp lengri braut sem nær allt að 5 km í loftlínu frá skólanum.

Allir eru velkomnir á námskeið sem styrkt er af Lýðheilsusjóði og samfélagssjóði Landsvirkjunar.

Þátttakendur geta skráð sig hér: https://forms.office.com/e/PCePKD6t30