Kæru Blönduósingar, nærsveitamenn og aðrir gestir Húnavöku. Vegna slæmrar veðurspár um helgina þá munu eftirfarandi viðburðir vera færðir inn í íþróttahús.

Fjölskylduskemmtun sem átti að vera á skólalóð föstudaginn 17. júlí frá kl. 18-21 fer inn í íþróttahús, nema knattspyrnuleikurinn, hann fer fram á sparkvellinum fyrir framan skólann og verður síðasti viðburður kvöldsins.

Leikhópurinn Lotta sem átti að vera á Káratúni/Þríhyrnu verður í íþróttahúsinu kl. 12:00 laugardaginn 18. júlí.

Skemmtun sem átti að vera fyrir framan félagsheimilið á laugardaginn 18. júlí frá kl. 13:30-16:30 verður færð inn í íþróttahús.

Meðfylgjandi er mynd sem sést hvar inngangur í íþróttahúsið er og útgangur, vonum við að fólk virði þetta og allir hjálpist að svo að allt gangi vel. Sprittstöðvar verða á nokkrum stöðum í íþróttahúsinu.

• Þvoum okkur um hendur og sprittum

• Munum 2 metra fjarlægð

• Verndum viðkvæma hópa

• Hringjum á heilsugæsluna ef við fáum einkenni

• Miðlum traustum upplýsingum

• Verum skilningsrík, tillitsöm, kurteis og styðjum hvert annað

Við erum öll almannavarnir -og verðum það áfram

Með von um góða skemmtun á Húnavöku, með sól í hjarta.