Maí 2024 | ||||||
S | M | Þ | M | F | L | |
28 | 29 | 30 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 31 | 1 |
Fyrri | Núna | Næsti |
Holtavörðuh. | 14:12 | 0 | 0°C |
Laxárdalsh. | 14:12 | 0 | 0°C |
Vatnsskarð | 14:12 | 0 | 0°C |
Þverárfjall | 14:12 | 0 | 0°C |
Kjalarnes | 14:12 | 0 | 0°C |
Hafnarfjall | 14:12 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Þrátt fyrir að veðrið sé ekki upp á sitt besta og spáin gæti verið betri heldur Húnavakan sínu striki, að mestu. Búið er að aflýsa tveimur viðburðum sem fara áttu fram á morgun; Blönduhlaupinu og Húnavökugolfmótinu. Fyrirtækjadagurinn er í dag en þá bjóða fyrirtæki og stofnanir á Blönduósi gesti velkomna og ýmis Húnavökutilboð verða í boði. Fjölskylduskemmtunin sem fram fer klukkan 18-21 í dag hefur verið færð inn í Íþróttamiðstöðina.
Átak, Ísgel, Tækniþjónustan Dráttur, Smárabær og Brunavarnir A-Hún. verða með grill, glens og hoppukastala á planinu við Efstubraut 2 klukkan 12-16 í dag. Lífland tekur á móti gestum í verslun sinni að Efstubraut 1 og verða Húnavökutilboð á völdum vörum og heitt á könnunni. Brunavarnir A-Hún. verða með opið hús í nýjum húsakynnum að Efstubraut 2 milli klukkan 12 og 16.
SAH Afurðir taka á móti gestum klukkan 13-17 við verslun fyrirtækisins að Húnabraut 39. Grill, kynning á vörum og Húnavökutilboð á grillkjöti. Vilko og Prima taka á móti gestum í húsnæði fyrirtækisins að Húnabraut 33 og verða Húnavökutilboð af völdum vörum.
Fjölskylduskemmtun í Íþróttamiðstöðinni í kvöld
Fjölskylduskemmtunin átti að fara fram á skólalóðinni síðdegis en vegna veðurs hefur hún verið færð inn í Íþróttamiðstöðina. Kjötsúpa verður í boði Blönduósbæjar og styrktaraðila sem eru SAH Afurðir, MS, N1, Etix Group, Kjötbúðin, Átak, Ísgel og Vilko. Lalli töframaður stýrir kvöldinu. Leikhópurinn Lotta skemmtir, sem og Magni Ásgeirs og hjónin Jóhanna Guðrún og Davíð Sigurgeirs. Einnig verða umhverfisverðlaun Blönduósbæjar veitt. Þá verða sýndir sýrlenskir dansar og fram fer stórleikur í knattspyrnu milli sveitarstjórnar Blönduósbæjar ásamt ungmennaráði sveitarfélagsins gegn Brunavörnum Austur-Húnavatnssýslu. Leikurinn fer fram á sparkvellinum við Blönduskóla.
Viðburðir á morgun færðir inn í hús
Vegna þess hversu veðurspáin er slæm hafa viðburðir á morgun verið færðir inn í Íþróttamiðstöðina. Leikhópurinn Lotta ætlaði að halda leiksýningu á Káratúni klukkan 12 á morgun en sýningin fer fram í Íþróttamiðstöðinni. Sama á við um skemmtunina sem átti að vera fyrir framan Félagsheimilið frá klukkan 13:30 til 16:30 á morgun, hún verður í Íþróttamiðstöðinni. Lalli töframaður kynnir og skemmtir, Slagarasveitin, Sirkus Íslands, Maggi mix og Páll Óskar mæta á svæðið og boðið verður upp á andlitsmálningu. Verðlaun verða veitt fyrir best skreytta húsið og flottustu og frumlegustu fígúrurnar, sem og til götunnar með flestar fígúrur.
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |