Umhverfisverðlaun Blönduósbæjar fyrir árið 2020 voru afhent í gær á fjölskylduskemmtun Húnavöku sem haldin var í Íþróttamiðstöðinni sökum mikillar úrkomu utan dyra. Verðlaunin afhentu þau Arnrún Bára Finnsdóttir og Zophonías Ari Lárusson fyrir hönd Skipulags-, umhverfis- og umferðarnefndar Blönduósbæjar.

Verðlaunin hlutu að þessu sinni eftirtaldir:

Hulda Leifsdóttir og Bjarni Pálsson fengu verðlaun fyrir fallega lóð og hús að Aðalgötu 10 eða Tilraun.

Auður Ingibjörg Hafþórsdóttir og Óli Guðlaugur Laursen fyrir fallegan og vel hirtan garð að Melabraut 25.

Sigríður Hrönn Bjarkadóttir og Hafsteinn Pétursson fyrir snyrtilegan og fallegan garð að Urðarbraut 17.