Húnavakan hefur gengið vel alla helgina þrátt fyrir að veðrið hafi ekki sýnt sínar bestu hliðar. Ljómandi góð þátttaka hefur verið á viðburði hátíðarinnar og almenn gleði ríkjandi. Dagurinn í dag lofar góðu því leiðinda lægðin er gengin yfir, komið logn og sólin að fara að skína. Söguganga verður um gamla bæinn klukkan 10:30 og hin árlega prjónaganga verður klukkan 12. Sundlaugin, Heimilisiðnaðarsafnið, Vatnsdæla á Refli og Minjastofan eru opin í dag.

Þá er rétt að minna á sápurennibrautina í brekkunni við kirkjuna, jóga í Kvenfélagsgarðinum og spurningakeppni fjölskyldunnar sem fram fer í Ósbæ.

Í prjónagöngunni í dag verður lagt af stað frá Hótel Blöndu og gengið að Kvennaskólanum.

Skoðið dagskrá Húnavöku í dag hér.