Eldur í Húnaþingi hefst á Hvammstanga í dag og stendur fram á sunnudag. Markmið hátíðarinnar er að leiða fólk á öllum aldri saman og stuðla að samfélagslegri þátttöku. Margt er í boði og hvatt er til almennrar þátttöku. Opnunarhátíð fer fram klukkan 19 í dag á túninu hjá Pósthúsinu og verður eldurinn þá tendraður í 18. sinn. Í boði verður kjötsúpa, nytjamarkaður og skemmtiatriði fyrir alla fjölskylduna.

Meðal listamanna sem koma fram í ár eru Ásgeir Trausti, Ingó Veðurguð, Stuðmenn og Paparnir. Heimamaðurinn Ásgeir Trausti ríður á vaðið og heldur tónleika í Félagsheimili Hvammstanga klukkan 21 en húsið opnar klukkustund fyrr. Í dag verða dans- og leiklistarnámskeið í boði, FIFA mót og USVH heldur keppni í þríþraut í flokki einstaklings, liða, einstaklings krakka og krakka liða (14 ára og yngri).

Dagkrá Elds í Húnaþingi má sjá hér.