Dagskrá Elds í Húnaþingi er fjölbreytt í dag og eru áhugasamir hvattir til að kynna sér hana. Af einstaka viðburðum í dag má nefna að karlalandslið Íslands í hópfimleikum verður með stórglæsilega sýningu klukkan 17 í Íþróttahúsinu á Hvammstanga. Að sýningu lokinni halda landsliðsmenn námskeið þar sem börn fá að vera með landsliðinu á æfingu. Melló Músíka fer fram klukkan 19:30 í Félagsheimilinu á Hvammstanga en þar verður hægt að sjá hæfilíkaríkt fólk stíga á svið og taka lagið.

Táningaball fyrir 7.-10. bekk verður haldið í Félagsheimilinu Ásbyrgi klukkan 21 í kvöld en þar ætlar DJ Dóra Júlía að halda uppi stuðinu. Ókeypis rútuferðir milli Hvammstanga og Ásbyrgis. Þá heldur Slagarasveitin tónleika í Félagsheimilinu á Hvammstanga klukkan 21:30 í kvöld. Ókeypis er á alla þessa viðburði.

Sjáðu dagskrána hér.