Norðurlands Jakinn er aflraunakeppni sterkustu manna landsins sem fer fram á Norðurlandi um næstu helgi eða dagana 22. og 23. ágúst og er hún í anda Vestfjarðarvíkingsins. Keppt verður í sex greinum í nokkrum bæjarfélögum á Norðurlandi, m.a. á Hvammstanga og Skagaströnd. Aðgangur er ókeypis og er almenningur hvattur til að mæta og sjá sterkustu menn landsins sýna krafta sína.

Laugardaginn 22. ágúst klukkan 11 verður keppt á Hvammstanga í drumbalyftu við félagsheimilið og í uxagöngu á hafnarsvæðinu. Klukkan 16 verður keppt í réttstöðulyftu og bóndagöngu við Hnappastaðatún á Skagaströnd.

Sunnudaginn 23. ágúst klukkan 11:30 verður keppt í kasti yfir vegg við Heimskautsgerðið á Raufarhöfn og klukkan 15 í helluburði við íþróttasvæðið í Ásbyrgi.

Vegna kórónuveirufaraldursins eru áhorfendur minntir á tveggja metra regluna og að halda fjarlægð við keppendur.