Aðgerðastjórn almannavarna á Norðurlandi vestra hefur uppfært skráningu yfir þá sem eru í einangrun og sóttkví vegna kórónuveirufarsóttarinnar. Nú eru átta í einangrun og 38 í sóttkví samanber meðfylgjandi töflu. Í tilkynningu segir að fjölgaði hafi í einangrun, en að þau smit séu hjá einstaklingum sem voru í sóttkví.

Aðgerðastjórn vill brýna fyrir fólki með einkenni að halda sig heima, hafa samband við heilsugæslu,  og halda sig til hlés þar til fullvíst sé að ekki sé um kórónuveirusmit að ræða. Sama á við hafi verið um samskipti við fólk með einkenni að ræða.

„Algengustu einkennin eru hálssærindi, vöðvaverkir, hiti, hósti, andleysi og slappleiki. Sjaldgæfari einkenni eru uppköst, niðurgangur og skyndilegt bragð- og lyktarleysi. Förum varlega, munum sóttvarnirnar og minnumst þess að öll erum við almannavarnir.“