Aðgerðastjórn almannavarna á Norðurlandi vestra uppfærði í gær skráningu yfir þá sem eru í einangrun og sóttkví vegna kórónuveirufarsóttarinnar. Nú eru níu í einangrun og 19 í sóttkví samanber meðfylgjandi töflu. Eitt nýtt smit greindist í fyrradag en viðkomandi var í sóttkví.

„Hins vegar þá fækkar mikið í sóttkví sem er ánægjulegt og vonumst við til þess að það sýni að samfélagssmit sé ekki mikið í okkar nærumhverfi eða að tekist hafi að ná utan um það. Það kemur í ljós núna á næstu dögum,“ segir í tilkynningu frá aðgerðastjórninni.