Um hátíðarnar verður ekki unnt að hittast í kirkjum en þess í stað verða guðsþjónustur teknar upp og sendar út á netinu. Ljósastund verður í Hvammstangakirkju í dag, Þorláksmessu klukkan 17. Aftansöngur verður í Melstaðarkirkju á morgun aðfangadag klukkan 16:15. Stundinni verður streymt á facebooksíðu Melstaðarprestakalls.

Helgistund verður í Blönduóskirkju á aðfangadag klukkan 18 og verður streymt frá henni á facebooksíðu kirkjunnar. Þá verður helgistund í Hólaneskirkju á jóladag klukkan 14.

Upptökur frá helgistundunum verða á Youtube, á heimasvæði Skotta Film TV (farið inn á youtube.com og slátið inn leitarorðin Skotta Film TV) og jafnframt munu þær birtast á heimasíðu Þingeyraklaustursprestakalla og heimasíðu Skagastrandarprestakalls.